«Հերթն անտանելի ա, առանց հերթ գնում են բոլորը, բացի հայկական մեքենաներից». Լարսը փակ է, մարդիկ թափում են բերքը

Լարսը երկկողմանի փակ է։ Այս մասին NEWSPRESS.am-ի հետ զրույցում ահազանգեցին քաղաքացիներ, ովքեր վստահեցնում են, որ ֆուռերը մնացել են ճանապարհին, և տոննաներով ապրանք է փչանում։ 

Մեր տեղեկություններով՝ արդեն որոշ գործարարների բավականին կլորիկ գումարների վնասներ են կրել, քանի որ շատերի բեռնատարներն արդեն մեկ ամսից ավելի է` ճանապարհին են. բերքը փչանում է, խաղողը՝ քացախ ու չիր դառնում։

«Հերթն անտանելի ա, առանց հերթ գնում են բոլորը, բացի հայկական մեքենաներից։ Շատերը կա՛մ հետ են գնում, կա՛մ հենց Վրաստանում թափում են բերքը, քանի որ փչացած ա արդեն»,- մեզ հետ զրույցում ասաց հերթի մեջ հայտնվածներից մեկը։

«Ասում են` աճ ենք գրանցել, ի՞նչ աճ. գյուղատնտեսության անկում 7%, ոռոգման ջրի պակաս` միտումնավոր. խաղողի այգեթաղ պետք է արվի` ոռոգման ջուր չկա, իսկ խորքային հորերը անջատել, ջուր չեն տալիս: Աշխատուժի, թունաքիմիկատների, պարարտանյութերի և դիզվառելիքի թանկացում, գյուղմթերքի գների անկում: Այս էս ա»,-ասաց մեկ այլ զրուցակից:

Իհարկե, չենք խնայի այս մարդկանց ու կհիշեցնենք, թե 2018 թվականին ինչպես էին իրենց կոտորելով «մերժում Սերժին», ասում, որ «նախկինները թալանչի են», որ իրենց օր ու արև չեն տալիս, որ խեղդվում են հարկերից ու չեն կարողացնում իրացնել բերքը։

Կհիշեցնենք ինչպես էին ուրախացել իշխանափոխությամբ ու ինչպես էին գովերգում Նիկոլին ու նրա իշխանությունը, աստվածացնում էին, թե` բանանն էժանացել է...Հիմա այդ բոլոր մարդիկ հայհոյում են նույն Փաշինյան Նիկոլին։

Իհարկե, սա կարելի էր կանխատեսել։ Այստեղ պարզապես վատն այն է, որ այդ նույն գործարարների մեծ մասն անհաղորդ ու լուռ էին, երբ Նիկոլին մեղադրում էին երկիրը թշնամուն հանձնելու մեջ, երբ ասում էին, որ թուրքը մեր դուռն է թակում... Ու հիմա, երբ իրենց գրպանին են խփում, նրանք սկսել են հայհոյել Նիկոլին` մոռանալով, որ դեռ երեկ արդարացնում էին նրա արարքները ու պաշտպանում Նիկոլին, երբ նրան մեղադրում էին երկիրն անդունդը գլորելու մեջ։

Լավ չէ, որ այսօր Լարսում հայ գործարարները տուժում են, բայց մյուս կողմից էլ թերևս սա զարթնեցնի բոլոր գործարարներին ու հասկանան` Նիկոլը` իր խաղաղության օրակարգով, ոչ մի լավ տեղ չի տանում:

Հ.Գ. Եվս մեկ հիշեցում... 

Կառավարության հրապարակած տվյալներով՝ հունվար-սեպտեմբեր ամիսներին, նախորդ տարվա նույն ժամանակահատվածի համեմատ, տնտեսական ակտիվության ցուցանիշի հավելաճը կազմել է շուրջ 14 տոկոս։ Կառավարությունում խոստանում էին նաև, որ եթե պահպանվի խաղաղությունը և նոր պատերազմ չլինի, Հայաստանն այս տարին կավարտի երկնիշ տնտեսական աճով...

Մեկնաբանությունները թողնում ենք ձեզ...

Արմինե Մկրտումյան