«Երևան Սիթի», էս որդնած բանը երեխես պիտի ուտի՞, արա, տարեք ձեր երեխեքին կերցրեք. օգտատերը «Սիթի»-ից գնած կոնֆետի միջից որդ է գտել, իսկ արմավը «1000 տարվա» է եղել՝ ձեթած (տեսանյութ)

Պրոֆեսիոնալ լուսանկարիչ Տիգրան Մանուկյանը ֆեյսբուքյան իր էջում 2 տարբեր տեսանյութեր է հրապարակել, որոնցում ցույց է տվել, որ գործարար Սամվել Ալեքսանյանին պատկանող «Երևան Սիթի» սուպերմարկետների ցանցում ճիճուն մեջը կոնֆետներ են վաճառում, ինչպես նաև չորացած արմավ (խուրմա): 

Ցուցադրելով կոնֆետների փակ տուփն ու արդեն բացած կոնֆետը՝ նա հարց է ուղղել սուպերմարկետների ցանցին՝ էս արդեն որդնած բաներ եք ծախո՞ւմ: 

Տեսանյութին կից նա տեղեկացրել է, որ արդեն իսկ վերադարձրել է ապրանքը: 

««Երևան Սիթի», դուք գժվե՞լ եք, էս որդնած բանը երեխես պիտի ուտի՞, արա, տարեք ձեր երեխեքին կերցրեք»: 

Հրապարակած տեսանյութի մեկնաբանություններում Մանուկյանը նաև որդի լուսանկարն է հրապարակել: 

Մեկ այլ տեսանյութում օգտատերը ցուցադրել է իր՝ տուփերով գնած արմավը: 

«Նայեք, հազար տարի առաջվա բան ա սա: Մարդ արագի մեջ վերցնում ա, չի կարում ստուգի, կամ եթե չի հասկանում՝ խուրման սենց չպետք ա լինի: Սա 1000 տարվա «Երևան Սիթի»-ի ավանդական հնացած բաները ծախելու, նաղդելու համար ա: Եթե սա ուտեմ, թունավորվեմ, մեռնեմ՝ ոչ մեկ պատասխանատու չի լինի»:

Նա նշել է, որ այդ արմավները, որոնց մի մասի վրա էլ ձեթ է լցրած եղել, որպեսզի փափկեն, գնել է Կոմիտասի «Երևանի Սիթի»-ից:  

«Ապրանքը հետ եմ վերադարձրել և խելոք առանց ավելորդ խոսքերի ընդունեցին: Շնորհակալ եմ անորակ սնունդ վաճառելու համար»,- գրել է օգտատերը: