Քաղցկեղից մահացության ցուցանիշով Հայաստանն առաջին տեղում է աշխարհում

«World Life Expectancy» (Կյանքի տևողությունը աշխարհում) կայքը ներկայացրել է քաղցկեղային հիվանդություններից մահացության ցուցանիշը 172 երկրներում: Կայքը օգտագործել է 2014թ-ի բազային տվյալները:

Հայաստանում 100 հազար մահացածներից 229,84-ի պարագայում մահվան պատճառը եղել է քաղցկեղը: Այդ ցուցանիշով Հայաստանը 172 երկրների շարքում հայտնվել է առաջին հորիզոնականում:

Հայաստանին հաջորդում են Զիմբաբվեն, Հունգարիան, Մոնղոլիան, Սերբիան, Խորվաթիան, Լատվիան, Դանիան, Ուրուգվայը: Տասնյակը եզրափակում է Սլովենիան:

Ցուցակում Թուրքիան 40-րդն է` 131,92 ցուցանիշով, Ադրբեջանը 72-րդ տեղում է (112.63), Վրաստանը` 85 (105,94), Իրանը` 113 (92,75):
Նշենք, որ Հայաստանում մահացության ցուցանիշներով նորագոյացություններից մահացությունը առաջին եռյակում է. Արյան շրջանառության համակարգի հիվանդություններից 1990թ-ին մահացել է 10 843, իսկ 2013թ-ին 12 960 մարդ, սրտի իշեմիկ հիվանդություններից 1990թ-ին մահացել է 7128 մարդ, 2013թ-ին 8 4 83 մարդ, նորագոյացություններից 1990թ-ին մահացել է 3541 մարդ, 2013թ-ին` 5608: