Տավուշի մարզի 4 գյուղերի վարելահողերի մեծ մասն օկուպացված են Ադրբեջանի կողմից. Նիկոլ Փաշինյան

Ադրբեջանն ունի այսպիսի դիրքորոշում, որ 2021 թվականից առաջ էլ կան տարածքներ, որոնք, այսպես ասած, օրինակ, Հայաստանն օկուպացրել է և իրենք կարծում են, որ Հայաստանն էլ պետք է դուրս գա այդ տարածքներից: Այս մասին ԱԺ-ում կառավարության հետ հարցուպատասխանի ժամանակ նշեց Նիկոլ Փաշինյանը:

«Մենք ասում ենք՝ շատ լավ, եկեք հասկանանք, որ եթե ինչ-որ տարածքներից Հայաստանը պետք է դուրս գա, ինչ սահմանով պետք է դուրս գա, այսինքն որտեղից որտեղ պետք է գնա: Եթե մենք հասկանանք, ճշգրտենք այդ սահմանը, դա կարող է Հայաստանի համար լինել շատ ընդունելի խոսակցություն: Եթե վերցնում ենք Խորհրդային Միության սահմանը, և եթե Ադրբեջանը ասում է, որ Հայաստանն, օրինակ, հյուսիս-արևելքում օկուպացիայի տակ է պահում Ադրբեջանի որոշ տարածքներ, նշանակում է, որ ինչ-որ տարածքային բաժանում կա, սահման կա: Մենք ասում ենք՝ շատ լավ, ցույց տվեք գիծը, ցույց տվեք մեզ քարտեզը և դա կարող է լինել հետաքրքիր: Մենք դա չենք մերժում, որովհետև այդ նույն տարածքներում հայկական 4 գյուղերի տարածքների մեծամասնությունն օկուպացված է: Օրինակ, Տավուշի մարզի Բերքաբեր գյուղի վարելահողերի մոտ 70 տոկոսն օկուպացված է: Պառավաքար գյուղի վարելահողերի մոտ 70 տոկոսն օկուպացված է: Օկուպացված է Այգեհովիտ, Վազաշեն գյուղերի վարելահողեր: 1991-ին է դա եղել 1992-1994 թվականներին:

Դրա համար մենք ասում են՝ ցույց տվեք, թե որտեղ է գիծը և ձեր ցույց տված սահմանի գիծն ինչ իրավական հիմնավորում ունի: Այդ դեպքում մենք պատրաստ ենք իրադրությունը զարգացնել մինչև ամբողջ սահմանի երկայնքով ոչ հայասատնյան, ոչ ադրբեջանական օկուպացված տարածքներ չլինեն: Մենք պատրաստ ենք գնալ այդ լուծումներին և ես պատրաստ եմ այդ պատասխանատվությունը վերցնել ինձ վրա»,-ասաց Նիկոլ Փաշինյանը