Իրանին անհանգստացնում է այլ դերակատարների ներկայությունը, որոնք ամենևին էլ ՀՀ տարածքում չեն. Նիկոլ Փաշինյան (տեսանյութ)
Հանրային հեռուստաընկերության հետ հարցազրույցում Նիկոլ Փաշինյանն ասաց, որ ԵՄ դիտորդական առաքելության ներկայությունը Հայաստանում որևէ անհանգստություն չի առաջացնում Իրանի Իսլամական Հանրապետությունում:
«Իմ և Իբրահիմ Ռայիսիի հետ հանդիպմանը նման հարց չի բարձրացվել: Ըստ էության, Արևմուտքը Հայաստանի Հանրապետությունում միշտ էլ ներկա է եղել: Ես կարծում եմ, որ մեր տված պարզաբանումները բավարար են Իրանի համար: Ես տպավորություն չստացա, որ քաղաքացիական առաքելության ներկայությունն Իրանում որևէ անհանգստություն է առաջացնում: Այլ դերակատարների ներկայությունն է անհանգստացնում Իրանին մեր տարածաշրջանում, և այդ դերակատարներն ամենևին էլ Հայաստանի Հանրապետության տարածքում չեն»,- նշեց նա:
Նիկոլ Փաշինյանը կարևորեց և բարձր գնահատեց ԵՄ դիտորդական առաքելության ներկայությունը: Նրա խոսքով՝ դիտորդների առաքելության բուն նպատակը կրակոցների մասին ամենօրյա հայտարարություններ անելը չէ:
«Կարծում եմ, որ իրենք ավելի խորը հետևություններ պետք է անեն և դրանք փոխանցեն դելիմիտացիայի գործընթացում ներգրավված պաշտոնյաներին և միջազգային հանրությանը: Վստահ եմ, որ այդ հետևությունները կլինեն օբյեկտիվ: Իրենք հրադադարի ռեժիմի մոնիտորինգ չեն իրականացնում, իրենց առաքելության իմաստն առավել խորն է»,- ասաց Փաշինյանը:
Նիկոլ Փաշինյանի խոսքով՝ Իրանը և Ադրբեջանը շատ խոր մշակութային և տնտեսական կապերով իրար կապված բարեկամական երկրներ են, որոնք կարող են բանավիճել, սակայն դրանցում պետք չէ չափազանցություններ փնտրել:
«Իրանի Իսլամական Հանրապետությունը միջազգային և տարածաշրջանային քաղաքականության մեջ շատ կարևոր դերակատար է, և մենք շատ սերտ համագործակցության մեջ ենք Իրանի մեր գործընկերների հետ: Շատ կարևոր մանրուքներ կան, և շատ կարևոր է, որ հաղորդակցության մեջ հնչեն հարցեր և պատասխաններ: Մեզ համար շատ կարևոր է հարաբերությունների զարգացումը, և մենք գնում ենք այդ ճանապարհով»,- ընդգծեց նա:
Փաշինյանի խոսքով՝ այն էլեկտրագծերը, որոնք կան Հայաստանի և Իրանի միջև ծանրաբեռնված են, անհրաժեշտություն կա երրորդ էլեկտրագծի:
«Մենք Իրանից գազ ենք վերցնում, էլեկտրաէներգիա ենք արտադրում և այդ էլեկտրաէներգիան վերադարձնում ենք իրենց: Որպեսզի մենք ավելի շատ գազ կարողանանք սպառել էլեկտրաէներգիա արտահանելու համար, պետք է ավելի շատ դեպի Իրան արտահանելու հնարավորություն ունենանք, իսկ այդ հնարավորությունը մենք կստանանք երրորդ էլեկտրագծի շինարարության ավարտից հետո»,- ասաց Նիկոլ Փաշինյանը:
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
