Ադրբեջանի համար Հայաստանով դեպի Նախիջևան ճանապարհը ցանկացած պահի կարող է բացվել. Փաշինյան

Կարևոր է հասկանալ այն բովանդակությոսւնը, որի վրա Ադրբեջանը փորձում է կառուցել նոր էսկալացիայի նախապայման: Այս մասին Հանրային ՀԸ եթերում ասաց ՀՀ վարչապետ Նիկոլ Փաշինյանը:

«Դրա լավագույն ձևը, կարծում ե, գույքագրելն է և ճշգրտելն այն պայմանավորվածությունները, որոնց չկատարման մեջ Ադրբեջանը փորձում է մեղադրել մեզ: Մենք խոսում ենք այն պայմանավորվածությունների մասին, որոնք գրավոր արձանագրված են»,-ասաց նա:

Փաշինյանը, անդրադառնալով կառավարության նիստում երեկվա իր հայտարարություններին, նշեց, որ իր ելույթը հենց դրան էր նվիրված՝ փորձել գույքագրել, թե ինչ պայմանավորվածություն կա և,կարծում է, որ երեկվա ելույթը ծառայել է նպատակին, քանի ոքր այսօր Ադրբեջանի ԱԳ նախարարությունը հայտարարությամբ է հանդես եկել, որով մեղադրում են ՀՀ-ին՝ Ադրբեջանի և Նախիջևանի միջև կապի հաստատման գործը վիժեցնելու մեջ:

Փաշինյանն ուշադրություն հրավիրեց այն հանգամանքին, որ Ադրբեջանի ԱԳ նախարարության տարածած հայտարարությունում միջանցք բառը չի կիրառվել: Փաշինյանի խոսքով՝ Ադրբեջանի և Նախիջևանի միջև տրանսպորտային կապ հաստատելու համար ոչ մի խոչընդոտ այսօր չկա, խոչընդոտը միայն Ադրբեջանի իշխանությունների դիրքորոշումն է:

«Նույնիսկ այսօր Կառավարությունը գրավոր ընթացակարգով կարող է նաև դե յուրե որոշում կայացնել, ուզու՞մ են՝ մեր ճանապարհներն օգտագործել Նախիջևանի հետ կապ հաստատելու համար՝ խնդրեմ, մենք ասել ենք, որն այդ ճանապարհը ցանկացած պահի կարող է բաց լինել »,- ասաց նա: