Տեսախցիկները ֆիքսել են առանց դիմակի ինձ ծեծի ենթարկողներին և մեքենան, բայց ոչ ոքի չեն ձերբակալել, որովհետև պատվիրատուն Նիկոլ Փաշինյանն է․ Էդգար Ղազարյան
Ինձ համար պարզ է դարձել, որ իրավապահ մարմիններին հաջողվեց «բացահայտել» հանցագործությունը, որովհետև այս ընթացքում իրենք ոչ մեկին չեն ձերբակալել, չեն կալանավորել, բռնության գործադրման առումով ոչ մի արդյունքի չեն հասել, իսկ դա հնարավոր է միայն մեկ դեպքում, երբ այդ հանցագործության պատվիարատուն Նիկոլ Փաշինյանն է։ Այս մասին Tert.am-ի հետ զրույցում, անդրադառնալով հոկտեմբերի 28-ին իրեն ծեծի ենթարկելու գործի ընթացքին, ասաց ՍԴ աշխատակազմի նախկին ղեկավար Էդգար Ղազարյանը։
«Իրավապահների գործունեության միակ արդյունքն այն է, որ կարելի է պաշտոնապես հաստատված վարկած համարել այն, որ հանցագործության պատվիրատուն եղել է Նիկոլ Փաշինյանը կամ նրա մերձավորներից որևէ մեկը։ Ե՛վ ոստիկանությունը, և՛ Քննչական կոմիտեն իրենց գործողություններով հաստատեցին դա: Հանցագործությունը երկու դերակատարների խումբ ունի՝ մեկը իրագործողներն են, մյուսը պատվիրատուները, իրագործողներին չեն ցանկանում բացահայտել՝ պատվիրատուներին չբացահայտելու համար։ Իմ հիմնավոր կասկածը ապացուցելու, դրա ուղղությամբ գործողություններ անելու վերաբերյալ ես ներկայացրել եմ բազմաթիվ միջնորդություններ, որոնք մերժվել են, բողոքարկել եմ, թողնվել են անհետևանք»,- ասաց Ղազարյանը։
Վերջինս ընդգծեց, որ իր առաջարկած վարկածները հերքող կամ հաստատող քննչական գործողություններ չեն իրականացվել։ ՍԴ աշխատակազմի նախկին ղեկավարն ընդգծեց նաև, որ Քննչական մարմնից որևէ սպասելիքներ չունի։
«Հանցագործներին հնարավոր էր բացահայտել մի քանի ժամվա ընթացքում, քանի որ տարածքի տեսախցիկները ֆիքսել են թե՛ առանց դիմակի ծեծի ենթարկողներին և թե՛ մեքենան։ Մենք խոսում ենք իրավապահ մարմինների մասին, որոնք «Անտարեսի» Արմեն Մաիրտիրոսյանի նկատմամբ պլաստիկ շիշ նետած քաղաքացուն կարողացան հավաքի հազարավոր մարդկանց միջից առանձնացնել և նույն գիշերը ձերբակալել։ Այսինքն՝ շիշ նետողին կալանավորել են, բայց ակնհայտ բռնություն գործադրողներին չեն կարողանում հայտնաբերել, դա հնարավոր է միայն մի բացառիկ դեպքում, երբ պատվիրատուն պետությունն է»,- նշեց նա։
Էդգար Ղազարյանը իր նկատմամբ իրականացված բռնությունը բացառապես պայմանավորում է իր քաղաքական գործունեությամբ։
«Ես ոչ մի տեսակի կոնֆլիկտ չունեմ և չեմ ունեցել որևէ մեկի հետ, սա պայմանավորված է իմ հասարակական-քաղաքական գործունեության հետ։ Ես առավոտից իրիկուն փաստարկված հանդես եմ գալիս Փաշինյանի հանցավոր գործունեությունը բացահայտող հրապարակախոսությամբ։ Քրեական վարույթն ի սկզբանե հարուցվել է թեթև մարմնական վնասվածք պատճառելու համար, հետագայում գործը Շենգավիթի քննչական կոմիտեից տեղափոխել են Քննչական կոմիտեի Երևանի քննչական վարչության ծանր հանցագործությունների բաժին, բայց քրեական գործը դեռ համարվում է թեթև մարմնական վնասվածք պատճառելու գործողություն։ Այդ եզրակացությունը գրել են՝ չունենալով դատաբժշկական եզրակացություն»,- ասաց Էդգար Ղազարյանը։
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
