Արցախի Հանրապետությունը գոնե մի օր եղե՞լ է անկախ Ադրբեջանի կազմում. Արամ Օրբելյան (տեսանյութ)

Լեռնային Ղարաբաղի կամ Արցախի Հանրապետության անկախացման գործընթացը և ինքնորոշման գործընթացը պետք չէ դիտարկել Արցախի` Ադրբեջանի Հանրապետությունից անկախանալու լույսի ներքո: Դա բավականին բարդ, համարյա անլուծելի դաշտ մտնել է նշանակում: Այս մասին «Հայաստանի իրական օրակարգը» թեմայով քննարկման ժամանակ ասաց փաստաբան Արամ Օրբելյանը:

Ըստ նրա` խնդիրն այն է, թե Խորհրդային միության քայքայումից հետո քանի սուբյեկտ է ձևավորվել Խորհրդային միության տարածքում և արդյոք կարո՞ղ են որոշ սուբյեկտներ որոշել, որ մյուս սուբյեկտները չունեն սուբյեկտայնություն, երբ որ Խորհրդային միության օրենսդրությունն է նախատեսում նման հնարավորություն:

«Հարցը հետևյալն է` Լեռնային Ղարաբաղի Հանրապետությունը (Արցախի Հանրապետությունը), գոնե մի օր եղե՞լ է արդյոք Ադրբեջանի կազմում: Խորհրդային Ադրբեջանի կազմում, այո, եղել է: Եղե՞լ է արդյոք Ադբեջանի` որպես միջազգային իրավունքի սուբյեկտ պետության կազմում: Այսինքն` եղե՞լ է գոնե մի օր, որ Ադրբեջանի իշխանություններն իրականացնեն ինքնիշխանություն Լեռնային Ղարաբաղի տարածքում: Երբ որ մենք ստանում ենք այդ հարցի պատասխանը և այս դաշտ ենք մտնում, քննարկումը լրիվ ուրիշ տեղ է գնում»,- ասաց Օրբելյանը:

Մանրամասները` տեսանյութում