Արցախի ինքնորոշումից հրաժարվելով՝ ՀՀ-ն իր վրա է վերցնում ագրեսորի պիտակը. Շավարշ Քոչարյան (տեսանյութ)

Արտաքին գործերի նախկին փոխնախարար Շավարշ Քոչարյանը վստահ է, որ Ադրբեջանն իր բոլոր քայլերն ուղղել է Հայաստանը որպես ագրեսոր պետություն ճանաչելու գործընթացին: Այս մասին նա հայտարարեց «Հայաստանի իրական օրակարգը» թեմայով քննարկման ժամանակ:

Շավարշ Քոչարյանի դիտարկմամբ, այդ գործում Ադրբեջանին աջակցում են են ՀՀ ներկայիս իշխանությունները։

«Առաջինը` ագրեսոր պետության էթնիկ բնակչության վտարում, բռնի տեղահանումն է։ Տարածքներով պետք է ագրեսոր պետությունը հատուցի։ Լավագույն օրինակը Երկրորդ համաշխարհային պատերազմից հետո Գերմանիան է, երբ նրա հաշվին բազմաթիվ պետություններ ընդլայնեցին իրենց տարածքը։ Փաստ է, որ եթե կա վնաս, որի համար պետք է փոխհատուցել գումարով կամ այլ միջոցով, դրա փոխարեն կարող են տարածք պահանջել։ Նաև՝ ռազմական հանցագործներին գտնել և դատելը` ագրեսիան նախաձեռնելու համար»,– նշեց Շավարշ Քոչարյանը։