Պղծում են ընկած տղերքի հիշատակը, նրանց կրած համազգեստը, զենքը ու վատնում փամփուշտները՝ Ֆեյսբուքում ստատուս գրելու համար (լուսանկարներ)

Պաշտպանության նախարարության կողմից կազմակերպվող մարտական զենքով կրակելու դասընթացներին մասնակցելու համար շատ բան հարկավոր չէ․ անհրաժեշտ է գրանցվել համապատասխան կայքում և վերջ։

Հաշվի առնելով սահմանային լարվածությունն ու կարևորելով հրաձգության մարտարվեստում հմտանալու պատրաստակամությունը, կարելի է դրական գնահատել այս նախաձեռնությունը։ Սակայն հազիվ թե Ազգային ժողովի ՔՊ-ական կանայք հրաձգության ակտիվ հղմանը սեղմած ու դասընթացներին գրանցված լինեն զուտ հայրենիքը պաշտպանելու մղումից ելնելով։

Որպես ՔՊ-ի իգական սեռի «կարկառուն» ներկայացուցիչներ, կրակելու են գնացել Լուսինե Բադալյանը, ով հայտնի է նաև Լուլու անունով և Արփի Դավոյանը։

Նրանք այդ մասին, ճոխ֊ճոխ նկարներին կից, հրապարակել են նաև իրենց էջերում։

Բոլորի հիշողությունը թարմացնելու համար, պարզապես կարելի է նկատել, որ սա այն նույն Լուլուն է, ով դեռ վերջերս Եռաբլուրում հռհռում էր հայրենիքի համար պատերազմում փառքով ընկած տղերքի շիրիմների մոտ․․․

Նույն այդ Լուլուն էր, որ ավելի վաղ խոնարհվում էր թուրքի առաջ․․․

Նույն այդ Լուլուն էր, ով 2020-ի նոյեմբերի 9-ի չարաբաստիկ կապիտուլյացիոն փաստաթուղթը ստորագրելուց անմիջապես հետո որոշել է դուրս գալ ՔՊ-ից և նրան, ըստ լուրերի, հետ են պահել իր անցյալի հետ կապված կոմպրոմատները, որոնք, դարձյալ ըստ նույն աղբյուրների շշուկների, նրա դեմքին են շպրտել ՔՊ-ական ջահել-ջուհուլները․․․

Ինչ վերաբերում է Արփի Դավոյանին, ապա նա ևս սրբերից չէ․․․

Իշխող խմբակցությունից «սլիվ է» եղել, ըստ որի,  Արփի Դավոյանն Ազգային Ժողովում «ռազբորկի» է կանչել Մարիա Կարապետյանին, այն բանից հետո, երբ վերջինս ասել է, թե Դավոյանը հանրային վարքի հետ խնդիրներ ունի ու իր պահվածքն ազդում է իշխող խմբակցության հեղինակության վրա։ 

Ասում են՝ բանը գրեթե ծեծկռտուքի է հասել։

Մի խոսքով՝ քաղաքական զրո կենսագրությամբ և անցյալով, Արցախյան պայքարի մասին հավանաբար միայն Վիքիպեդիայից կարդացած, բայց այդպես էլ չընկալած Արփի Դավոյանը, ով պատահաբար է հայտնվել Աժ-ում, փորձել է իրեն մատուցել այլ կերպ․․․ 

Անգամ մտովի կարելի պատկերացնել այս երկուսի միջև ինչ զրույց է եղել։ Այն հավանաբար եղել է այս համատեքստում․․․

-Գնանք, կրակենք, մի քիչ ցրվենք, համ էլ կնկարվենք, կգանք․․․

Այլ կերպ ասած՝ ղուշ թռցնող Դավոյանն ու Լուլուն հետևել են «Էրատո» ջոկատի օրինակին, ուզում են իրենց անմաքուր էությամբ պղծել ընկած տղերքի հիշատակը, նրանց անունը, նրանց կրած համազգեստ, զենքն ու վատնել փամփուշտները՝ Ֆեյսբուքում ստատուս գրելու համար։ 

Արմինե Մկրտումյան