ՀՀ իշխանությունների հետ տարաձայնությունները քիչ չեն. Արտակ Բեգլարյան

Արտաքին քաղաքական մասով իմ դիրքորոշումները մշտապես ես հրապարակային ներկայացրել եմ․ այն է, որ Արցախի ժողովրդի ինքնորոշման իրավունքը երբեք չպետք է կասկածի տակ դրվի։ Այս մասին լրագրողների հետ զրույցում ասաց Արցախի պետնախարար Արտակ Բեգլարյանը։ 

Նրա խոսքով՝ և՛ նախագահի կողմից, և՛ ԱԺ նախագահի կողմից, և՛ ԱԳ նախարարի կողմից արված բոլոր հայտարարություններն ինքը կիսում է և նույն կերպ մտածում։ Հետևաբար այդ տեսանկյունից որևէ հարց չկա, իսկ տարաձայնություններ, իհարկե, կան որոշ գործընկերների հետ։ 

«Իրականում ՀՀ իշխանությունների հետ տարաձայնությունները քիչ չեն։ Տարբեր գործընկերների հետ որոշակի աշխատանքային շփումներ, հաջողված ծրագրեր լինում են, բայց նաև լինում են սկզբունքային տարաձայնություններ։ Դրանք արտաքին քաղաքական կուրսի՝ Արցախին առնչվող հարցերի հետ են կապված, բայց ես դրանք փորձում եմ ներքին աշխատանքային միջավայրում լուծել, քանի որ կարևորում եմ, որ այս ծանր իրավիճակում Արցախի և Հայաստանի կառավարությունները, իշխանություններն արդյունավետ փոխգործակցություններ ունենան։ Մյուս կողմից որոշակի տարաձայնություններ և դժգոհություններ ունենում եմ, որոնց մասին բաց, անկեղծորեն միշտ ներկայացնում եմ։ Մի մասն ազդում է, մյուս մասը՝ չի ազդում, բայց սա արդեն աշխատանքային միջավայրի հարց է, ուստի չէի ուզի շատ հրապարակայնորեն ներկայացնել»,- նշեց Արտակ Բեգլարյանը։