Խաչատուր Սուքիասյանը հետաքրքրվեց Քերոբյանից՝ ինչ պոտենցյալ արժեք է ներկայացնում «Նաիրիտը»՝ ներդրում անողի համար (տեսանյութ)

Եթե պետությունը համաձայն է «Նաիրիտի» վրա դրված պարտքերը զրոյացնել` գործարանը կգործարկվի։ Այս մասին ԱԺ֊ում, հանձնաժողովների մասնակցությամբ 2023 թվականի բյուջեի քննարկման ժամանակ ասաց Էկոնոմիկայի նախարար Վահան Քերոբյանը՝ արձագանքելով ՔՊ-ական Խաչատուր Սուքիասյանի հարցադրմանը, թե ինչ վիճակում է այսօր «Նաիրիտ» ՓԲԸ-ն և որքան ներդրում կպահանջի այն վերագործարկելը։

««Նաիրիտը» 100-150 մլն եվրո ներդրում է պահանջում և պարտքերի ստրուկտուրային զրոյացում»,- ասաց նա։

Սուքիասյանը նշեց, որ իր հարցն այն մասին է, թե այդ 100-150 մլն  եվրոն ինչի վրա են դնում, ինչ կարող են խոստանալ այն մարդուն, ով ներդրում կանի «Նաիրիտի» վրա։

Քերոբյանը հստակ չկարողացավ գնահատել «Նաիրիտի» նյութական արժեքը, սակայն նկատեց, որ, ըստ էության, «Նաիրիտի» մասով ամենաարժեքավորն այն մասնագետ մարդիկ են, ովքեր կան ու կարող են աշխատեցնել գործարանը, և առանց որոնց այդ գործարանը չի կարող աշխատել։

Մանրամասները՝ տեսանյութում