Հյուսիսային Կորեան կրկին հրթիռներ է արձակել

Հյուսիսային Կորեան հինգշաբթի օրը մեկ հեռահար բալիստիկ և երկու կարճ հեռահարության բալիստիկ հրթիռ է արձակել, որոնցից մեկը Հյուսիսային Ճապոնիայի բնակիչներին դրդել է ապաստարան մտնել:

Հրթիռների արձակման մասին հայտնել են հարավկորեացի զինվորականները։

Հարավային Կորեայի պաշտպանության նախարարության տվյալներով՝ տեղական ժամանակով մոտ 7:40-ին Փհենյանի մոտ գտնվող Սունան շրջանից հեռահար բալիստիկ հրթիռ է արձակվել դեպի Ճապոնական ծով:

Ժամը 08:39-ին Հարավային Փյոնգան նահանգից արձակվել է ևս երկու փոքր հեռահարության բալիստիկ հրթիռ։

«Հարավային Կորեայի զինված ուժերը լիարժեք պատրաստության վիճակ են պահպանում՝ սերտորեն համագործակցելով Միացյալ Նահանգների հետ և մեծացնելով հսկողությունն ու զգոնությունը», ասվում է Agence France-Presse-ի մեջբերված զեկույցում: