Դատավորը Պերմյակովի թարգմանչի դերն է ստանձնել

Իրավապաշտպան Արթուր Սաքունցը Գյումրիում Ավետիսյանների սպանության գործով դատավարության ժամանակ միջնորդել է գործը Շիրակի մարզի ընդհանուր իրավասության դատարանում անցկացնելու մասով: Միջնորդության քննարկման համար երեսուն րոպե ընդմիջում է հայտարարվել:

Իրավապաշտպանը հարցադրել է, թե ինչպե՞ս է դատարանը պատկերացնում Վերաքննիչ կամ Վճռաբեկ դատարանի արտագնա նիստը ռազմաբազայի տարածքում այդպիսի պայմաններում, երբ անգամ չի լսվում, թե Պերմայոկվն ինչ է ասում:

Ընդդմիջումը տևել է ոչ թե երեսուն, այլ հիսուն րոպե, որից հետո Պերմյակովը նիստերի դահլիճ է բերվել, ի դեպ նա չի կարողացել ինքնուրույն շարժվել, նրան ուղեկցող ոստիականներն են օգնել տեղաշարժվել:

Ուշագրավ է այն, որ մինչ ընդմիջումը Պերմյակովին դատավորը հարցրել է` արդյոք դեմ չէ, որ դատավարությունը տեղափոխվի Շիրակի մարզի ընդհանուր իրավասության դատարանի շենք, վերջինս պատասխանել է, որ իր համար միևնույն է, սակայն արդեն ընդմիջումից հետո Պերմյակովը նույն հարցին, այլ պատասխան է տվել՝ ասելով որ իրեն ռազմաբազայի տարածքում ավելի պաշտպանված է զգում: Դատավորի կողմից հարցը տրվել է ռուսերեն լեզվով:

Փաստորեն քիչ չէ, որ եռագույն դրոշը, դատական կարգադրիչներով հասցրել են ռուսական ռազմաբազա, դատավորն էլ մարդասպանի հետ խոսում է Պերմյակովի պետական լեզվով, հերթ չտալով թարգմանչին:

Դատական նիստն ընդմիջվել է մեկ ժամով, որպեսզի քննարկի ինքնաբացարակ հայտնելու հարցը: Մեղադրվող Վալերի Պերմյակովը չի առարկել դատարանի ինքնաբացարկի առաջարկին: