Իհարկե, ընդդիմությունը պետք է ժողովրդից ներողություն խնդրի, որ քո նմանը դեռ վարչապետ է․ Շարմազանովն արձագանքել է Փաշինյանին

Ընդդիմությունը պետք է ժողովրդից ներողություն խնդրի, որ քո նմանը դեռ վարչապետ է, հայտարարել է ՀՀԿ ԳՄ անդամ Էդուարդ Շարմազանովը՝ արձագանքելով վարչապետ Նիկոլ Փաշինյանի այն հայտարարությանը, թե հանրությունից պետք է ներողություն խնդրեն բոլոր նրանք, ովքեր ասում են, որ ինքը նոր կապիտուլյացիա է ստորագրելու։

«Այո ,ընդդիմությունը պետք է ժողովրդից ներողություն խնդրի,որ քո նմանը դեռ վարչապետ է:

Դու կապիտուլյանտ ես, Նիկոլ։

Դու արդեն մի անգամ կապիտուլյացիա ստորագրել ես 2020-ի նոյեմբերի 9-ին։

Դու ես բերել այդ կապիտուլյացիան։

Դու ես ադրբեջանցիներին բերել Հայաստան՝ հակառակ նույնիսկ նոյեմբերի 9-ի հայտարարության։

Քո լուռ համաձայնությամբ է Գորիս-Կապան ճանապարհը տրվել Ադրբեջանին։

Դու ես հանձնել քո անգործությամբ ՀՀ 127 քառ.կմ տարածք։

Դու ես հրաժարվել Արցախից՝ վախենալով Շուշին ու Հադրութը օկուպացված հռչակել։

Դու ես «այո» ասել Ալիեւի 5 կետերին, դու ես բանակցում մեր ազգի համար պարտվողական «խաղաղության պայմանագրի» շուրջ։

Դու ես «դրական ազդակ » հռչակել թուրքերի հայատյաց քայլերը։

Դու ես բերել 5 000 զոհ 2020-ի աշնանն ու 200-ից ավելի զոհ՝ 2022-ի սեպտեմբերին։

Դու ես աղերսում ու մուրում բոլորից խաղաղիւթյուն, աշխարհաքաղաքական մուրացկան։

Ասում ես՝ ընդդիմությունը ժողովրդից պետք է ներողություն խնդրի..

Իհարկե, պետք է խնդրի, որ քո նման ազգակործան պատուհասը դեռ վարչապետի պաշտոնն է զբաղեցնում»,- «Ֆեյսբուքի» իր էջում գրել է Էդուարդ Շարմազանովը։