Կարելի է սպասել Հայաստանի և Արցախի շուրջ իրավիճակի լարվածության գեներացմանը. Արման Աբովյան

Իշխանական քաղաքական խոսույթում  համակրանքի «ճոճանակը» թեքվեց դեպի Ռուսաստան։ Այս մասին գրում է ԱԺ նախկին պատգամավոր Արման Աբովյանը:

Նա մասնավորապես նշել է. «Շատ հետաքրքիր է հետևել` թե ինչպես Փաշինյանի ելույթից հետո իշխանական «թուուունդ» արեւմտամետ դեմքերը իրար հերթ չտալով սկսեցին ինքնամոռաց գովաբանել ռուսներին։ 

Սակայն եթե իրենց թվում է ,որ ռուսները չեն հասկանում  տարատեսակ սորոսածին դեմքերի մոտ  արթնացած «ռուսասիրության» պատճառա-հետևանքային բոլոր երանգները ,ապա իրենք չարաչար սխալվում են։ 
Մոսկվայում «հարիֆ» չկա և այնտեղ շատ լավ գիտակցում են հայաստանյան քաղաքական վերնախավի անկայուն և իրարամերժ կեցվածքը։

Ինչեւէ, հիմա շատ հետաքրքիր կլինի հետեւել պայմանական Արևմուտքի քայլերին , որոնց համար իրականում սկզբունքային է դուրս հանել ռուսական ռազմական ներկայությունը  Արցախից և Հայաստանից ։

Այն որ ոչ Վաշինգտոնը, ոչ Բրյուսելը «հանգիստ» չեն նստելու իրենց «տեղում», միանշանակ է և իրավիճակի տրամաբանությունը հուշում է, որ թուրք-ադրբեջանական տանդեմի և արևմտյան ուժային կենտրոնների շահերը այս պարագայում համընկնում են։

Այսինքն, կարելի է սպասել Հայաստանի և Արցախի շուրջ  իրավիճակի լարվածության գեներացմանը։

Դրա հետ մեկ տեղ պարզապես հիշեցնեմ, որ միեւնույն է` կապ չունի ինչ զարգացումների ենք մենք ականատես լինելու, թուրք-ադրբեջանական ոհմակը գնալու է սրացման, քանզի իրենց համար ամենակարևորն այն է` հասնել Հայաստանի  մասնատմամբ Ադրբեջանի և Թուրքիայի միջև ընդհանուր սահմանի ձևավորմանը։
...
Ինչ վերաբերում է մնացած հայտարարություններին, ապա զերծ կմնամ մեկնաբանել իշխանական թրքահաճո և ադրբեջանամետ «խաղաղության դարաշրջան»-ին վերաբերող աբսուրդային թեզերը։

Դա արդեն նույնիսկ ծիծաղելի չէ»։