Գենդերային հավասարությունը բոլոր բնագավառներում խթանելու համար պետք է ստեղծվի գործուն մեխանիզմ. փոխվարչապետ
Փոխվարչապետ Համարձում Մաթևոսյանի նախագահությամբ տեղի ունեցավ Հայաստանի Հանրապետությունում կանանց հարցերով խորհրդի նիստը, որին մասնակցում էին ինչպես խորհրդի անդամները, այնպես էլ միջազգային մեր գործընկերները և հասարական կազամակերպությունների ներկայացուցիչները։
Կառավարությունից հայտնում են, որ ողջունելով նիստի մասնակիցներին՝ փոխվարչապետն ընդգծել է խորհրդի նշանակությունը, որը կոչված է աջակցելու երկրի հասարակական, սոցիալական, տնտեսական և քաղաքական հարթակներում կանանց և տղամարդկանց հավասար ներգրավմանը, կանանց ու տղամարդկանց հավասար իրավունքների և հնարավորությունների ամրապնդմանը և յուրաքանչյուր քաղաքացու համար խտրականությունից զերծ և անվտանգ միջավայրի ապահովմանը:
Օրակարգային հարցերը ներառել են STEM ուղղվածությամբ բարձրագույն կրթության բոլոր մակարդակներում կանանց ներգրավածության բարձրացմանն ուղղված միջոցառումները, ՏՏ ոլորտում կանանց ներգրավածությունը խթանող միջոցառումները և առաջարկները, ՀՀ զինված ուժերում կանանց լիարժեք և բովանդակային ներգրավման հիմնախնդիրները և այլ ոլորտին առնչվող հարցեր։
Արձագանքելով քննարկվող հարցերին՝ փոխվարչապետը նշել է, որ շարունակական կրթության միջոցով և կառուցողական ու հասցեական մոտեցմամբ պետք է քայլ առ քայլ մոտենանք խորհրդի հիմնական նպատակների իրագործմանը և պետության ու հասարակության միջև ձևավորենք այնպիսի երկխոսություն, որ գենդերային հավասարության ապահովումը մեր երկրում դառնա օրինաչափ գործընթաց, իսկ խոչընդոտների հաղթահարումը՝ ճկուն։
Հավատարիմ մնալով Հայաստանի Հանրապետությունում գենդերային քաղաքականության իրականացման ռազմավարության սկզբունքներին՝ Համբարձում Մաթևոսյանը շեշտել է, որ գենդերային հավասարությունը բոլոր բնագավառներում խթանելու համար պետք է ստեղծվի և ներդրվի այնպիսի գործուն մեխանիզմ, որը հանրության շրջանում կապահովի պետական աջակցությամբ և միջազգային կազմակերպությունների հետ համագործակցությամբ իրականցվող ծրագրերի իրազեկվածության մակարդակի բարձրացումը, իսկ այս ուղղությամբ իրականացվող միջոցառումներին մասնակից լինելը կդառնա համակարգված ու թիրախավորված գործընթաց, ինչն էլ կօգնի մեզ, գնահատելով առկա վիճակագրությունը, ծրագրերն ավելի հասցեական դարձնել և հետագա գերակայությունների սահմանման հարցում ավելի թիրախային լինել։
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
