Քաղցրաշենի գինու գործարանը 100-150 մլն դրամ է պարտք խաղողագործներին

Քաղցրաշենի գինու գործարանը համայնքի խաղողագործներին մթերման դիմաց դեռևս չի վճարել:

Քաղցրաշենի գինու գործարանը մթեման դիմաց քաղցրաշենցիներին պարտք է շուրջ 100-150 մլն դրամ: Այս մասին newspress.am կայքին հաղորդեց Արարատի մարզի Քաղցրաշեն համայնքի ղեկավար Վալերիկ Գյուլամիրյանը:

Նա նաև նշեց, որ քաղցրաշենցիները 2015թ-ի աշնանը հանձնել են շուրջ 2000 տոննա խաղող, մեկ կիլոգրամը գործարանը տարբեր գներով է վերցրել, քանի որ տարբեր սորտերի խաղող է մթերվել:

Համայնքապետը նաև հաղորդեց, որ ճանաչում է գինու գործարանում մթերող իրականցնողներին, խոստացել են մինչև մարտ վճարել, սակայն հույս ունի, որ 10 օրից կսկսեն մթերումների դիմաց վճարել:

Հարցին, թե արդյոք այգեթաղ չեն կատարել Քաղցրաշեն համայնքում, քանի որ գումարներ չեն ունեցել և չեն ցանկանում այլևս խաղող մշակել, պատասխանեց, որ այդ լուրը չի համապատասխանում իրականությանը. «Ինքն էլ այգեթաղ չի արել, քանի որ ժամանակ չի ունեցել»:

Վստահեցրեց, որ մարդիկ կշարունակեն խաղող մշակել, իսկ որ այգեթաղ չեն արել` պատճառները տարբեր են:

Նշենք, որ Արարատի մարզի Քաղցրաշենի գինու և կոնյակի գործարանը պատկանում է ԱԺ պատգամավոր Կարո Կարապետյանին՝ Յուվեցի Կարոյին:

Հավելենք նաև, որ հենց այս համայնքի բնակիչ Անդրանիկ Մովսիսյանն էր, որ իր 8 տոննա խաղողը թափել է համայնքի ճանապարհին, քանի որ Քաղցրաշենի գինու և կոնյակի գործարանը հրաժարվել էր խաղող մթերել: