«Իրավիճակը շտկել հնարավոր է». Երվանդ Թարվերդյանը բաց նամակ է գրել Վլադիմիր Պուտինին

«Միացյալ Հայաստան» կուսակցության նախագահ Երվանդ Թարվերդյանը բաց նամակով դիմել է Ռուսաստանի Դաշնության նախագահ Վլադիմիր Պուտինին։

Նամակում, մասնավորապես, նշվում է. «Մեր խորին հարգանքն ենք հայտնում Ձեզ և ի դեմս Ձեզ՝ ռուս ժողովրդին, որը պայքարում է իր ապագայի համար:

Օբյեկտիվորեն գնահատելով Հայաստանում և, ընդհանուր առմամբ, աշխարհում ստեղծված լարված իրավիճակը, պատրաստ լինելով ստանձնել մեր Հայրենիքի հանդեպ պատասխանատվություն՝ ուղղակիորեն դիմում ենք Ձեզ։

Ավելի քան 30 տարի մեր ժողովուրդներն ապրում են անկախ պետություններում՝ ունենալով դաշնակցային, ռազմավարական և բարեկամական հարաբերություններ ԱՊՀ և Եվրասիական համապատասխանության շրջանակներում:

Հայաստանի Հանրապետությունում և Հարավային Կովկասում աշխարհաքաղաքական լարվածությունը մոտենում է «բեկման կետին»: Այժմ Նախիջեւանից հարձակումը Հայաստանի հարավ-արեւմտյան սահմանի վրա, որտեղ տեղակայված են արմատական իսլամիստների ջոկատներ և այլ թուրքական պրոքսիներ, զսպում են միայն իրանական կողմի ուժերը։ Ներկայիս պայթյունավտանգ իրավիճակը ցանկացած պահի կարող է հանգեցնել նոր լայնածավալ պատերազմի։

Արտատարածքային միջանցքի հարցի ուժային լուծումը տեկտոնական փոփոխությունների կհանգեցնի Մերձավոր և Միջին Արևելքում ուժերի դասավորվածության մեջ, որին կհաջորդի Ռուսաստանի աշխարհառազմավարական դիրքերի տորպեդահարում։

Հայաստանը դարձել է «թույլ օղակ», որի վրա ճնշում էր գործադրվում ինչպես արտաքին ուրվագիծով՝ նրա դեմ ագրեսիայի առումով, այնպես էլ ներքինով. «փափուկ ուժի» միջոցով Ռուսաստանի հակառակորդները փոխել են հայ հանրության գիտակցությունը:

Իրավիճակը շտկել հնարավոր է։ Ձեր հեղինակավոր միջամտությունը Հայաստանի արեւելյան սահմանամերձ տարածքները գրաված ադրբեջանական զորքերի՝ իրենց տեղակայման վայրեր վերադարձին, կփոխի բացասական դասավորվածությունը։ Այդպիսով, Ռուսաստանը կվերագտնի իր պատմականորեն արդարացված դիրքերը հայ հասարակության մեջ: Համոզված ենք, որ Դուք գործող լծակներ ունեք խաղաղ ելքի հասնելու համար: Մենք խաղաղություն, բարգավաճում և բարեկեցություն ենք մաղթում ռուս ժողովրդին։