Հովիկ Աբրահամյանով հասարակությանը կզայրացնես, ոչ թե կզարմացնես. Ստյոպա Սաֆարյան. (տեսանյութ)

«2017թ-ի ընտրություններից առաջ ՀՀ իշխանությունը պետք է ունենա նոր կառավարություն, կառավարության կազմում մասնակի փոփոխությունները անխուսափելի են»,- «Անդրադարձ» մամուլի ակումբում լրագրողների հետ զրույցում նշեց Միջազգային և անվտանգության հարցերի հայկական ինստիտուտի ղեկավար, քաղաքագետ Ստյոպա Սաֆարյանը:

Բանախոսը հիշեցրեց, որ կար մի շրջանում, երբ ՀՀ-ի և Մոսկվայի միջև ցածր վստահության մակարդակ էր: Երբ ՀՀ-ն դարձավ ԵՏՄ անդամ, կառավարության ձևավորումը առաջին հերթին պայմանավորված էր արտաքին քաղաքական դաշտում որոշակի վերադասավորումներով, ինչը և արեց ՀՀ իշխանությունը. «Այն եվրասիական կառավարություն է, որը պետք է մեծացնի Մոսկվայի վստահություն ՀՀ հանդեպ: Սակայն Սաֆարյանը խոսեց ՀՀ կառավարության նկատմամբ այսօր վստահության բացակայության մասին, քանի որ ՀՀ կառավարությունն այդպես էլ չկարողացավ լուրջ ներդրումներ ներգրավել, չարձանագրեց տնտեսական աճ»,- ընդգծեց քաղաքագետը:

Ստոյպա Սաֆարյանը, անդրադառնալով վարչապետի հետագա պաշտոնավարմանը ասաց, որ այն կապված է, թե ինչ պայմանավորվածություն ձեռք կբերի ՀՀԿ-ի հետ և իշխանության վերատադրության համար ինչ ավանդ կունենա:

Ըստ Սաֆարյանի` հանրապետականը նաև պետք է հստակեցնի իր համամասնական ցուցակի լիդերի հարցը, քանի որ Հովիկ Աբրահամյանով ՀՀԿ-ն հասարակությանը ոչ թե կզարմացնի, այլ կզայրացնի:

Մանրամասները՝ տեսանյութում