«Կարող է մի օր ջղայնանամ ու պատմեմ․․․»․ թրքասեր իշխանության ներկայացուցիչ Ալեն Սիմոնյանը հայամետ գործիչներին մանկուրտ է անվանում (տեսանյութ)

Հայաստանի ինքնիշխան տարածքի նկատմամբ, ՀՀ-ի նկատմամբ անհարգալից վերաբերմունք դրսևորած, հայտարարություններ արած յուրաքանչյուր անձ՝ անկախ նրանից որևէ այլ երկիր կներկայացնի, թե ոչ, բնական է, որ Հայաստանը չի կարող դրան անտարբեր լինել: Այս մասին ԱԺ-ում լրագրողների հետ զրույցում ասաց ԱԺ նախագահ Ալեն Սիմոնյանը՝ անդրադառնալով Կոնստանտին Զատուլինի մուտքը Հայաստան արգելելու որոշմանը: 

Իհարկե, Ալեն Սիմոնյանը նույն փութաջանությամբ չնշեց, թե կոնկրետ երբ ու ինչ անհարգալից վերաբերմունք է ցուցաբերել Զատուլինը, ասենք, Հայաստանի ինքնիշխան տարածքի նկատմամբ։ Հատկապես, երբ ամեն առիթով, տաբեր հարթակներում ու եթերների ժամանակ, Զատուլինը հանդես է գալիս հայերի նկատմամբ հարգալից վերաբերմունքով ու անում հայտարարություններ, որոնք եղել են ի շահ հայ ժողովրդի: Այդ արտահայտությունները, այո, եղել են ոչ ի շահ կոնկրետ իշխանության:

Ինչ վերաբերում է տեղեկություններին, որ «Russia Today»-ի խմբագիր Մարգարիտա Սիմոնյանի մուտքը ևս արգելվել է, ապա Ալեն Սիմոնյանը նշեց, թե իբր այդ մասին որևէ  տեղեկություն չունի։

«Ես նման ինֆորմացիա չունեմ, բայց չեմ բացառում, որ թե՛ ինքը, թե՛ իր ամուսինը, թե՛ հայկական ազգանունով տարբեր երկրների գործակալներ ու մանկուրտներ և տարբեր մարդիկ, որոնք Հայաստանի նկատմամբ անհարգալից վերաբերմունք կդրսևորեն, ՀՀ անկախության նկատմամբ, ՀՀ նախկին ղեկավարների նկատմամբ, ի դեպ, մասնավոր զրույցներում շատ վիրավորական արտահայտություններ կանեն...

Ի դեպ, ձեր ընդդիմադիր գործընկերները շատ են փորձում տարբեր մարդկանց պաշտպանել, կարող է մի օր ջղայնանամ ու պատմեմ, թե այդ մարդիկ մասնավոր զրույցներում, թե ինչեր են ասում: Վստահ եմ՝ իրենց դուր չի գա ու խորհուրդ եմ տալիս ավելի քիչ պաշտպանել»,- ասաց Ալեն Սիմոնյանը։

Այս դեպքում էլ, թերևս պետք է նկատել, որ եթե Ալեն Սիմոնյանն իսկապես շատ կարևոր հայտարարություն ունի անելու, ապա նա վաղուց կաներ դա՝ առանց որևէ մեկին խղճալու։

Իհարկե, կարելի է ենթադրել, թե ինչը կարող է այդչափ ջղայնացնել աթոռից կառչած Ալեն Սիմոնյանին, որ նա խոսի ինչ-որ մեկի դեմ։ Բայց եթե նրա համար Հայաստանի ու նրա ղեկավարների մասին արված հայտարարություններն իսկապես «կարմիր գիծ են», ինչպես ինքն է նշում, ապա չպետք է սպասի իր ջղաձգումներին։

Մյուս կողմից էլ, երբ Սիմոնյան Ալենը խոսում է յան-ով վերջացող ազգանունները կրողների մասին ու նրանց որակումներ տալիս, ապա պետք է զգույշ լինի բառերի ընտրության մեջ, քանի որ իշխանության կազմում գտնվող հայկական ազգանուն կրողները, առանց բացառության, թրքասեր, թրքամետ ու ու թուրքի համար անուղղակի աշխատողներ են։ Եվ հարց է ծագում, թե ո՞վ է ավելի շատ հայ՝ օրինակ Զատուլի՞նը, որ պաշտպանում է հայերի, հատկապես Արցախի շահը, թե՞ ալենսիմոնյանները, ովքեր երազում են սեղմել հայի արյունը տենչացող թուրքի ձեռքն ու տարածքը տարածքի հետևից հանձնում թշնամուն։

Արմինե Մկրտումյան