Ամերիկան և Եվրոպան հենց դրա համար են իշխանության բերել Փաշինյանին, որ Արցախն ու Հայաստանը հանձնի թշնшմուն. Դոն Պիպոյի հրատապ ուղերձը (տեսանյութ)

«Հայ խաչակիրների ազատագրական շարժման» առաջնորդ Արթուր Ասատրյանն արտակարգ ուղերձով դիմում է հայությանը, հայտնելով, որ Նիկոլ Փաշինյանն ընդունել է Արցախի հարցի կարգավորման ամերիկյան տարբերակը։

«Այս տարբերակը վաղուց է պատրաստվել ЦРУ-ի գլխավոր շտաբում, և Հայաստանում ներդրվել է իրենց գործակալ Արմեն Գրիգորյանի կողմից: Նա ղեկավարում է ՀՀ Անվտանգության խորհուրդը, նա ЦРУ-ի գործակալ է: Մենք բոլորս հասկանում ենք, որ Ամերիկան և Եվրոպան թքած ունեն ոչ միայն Արցախի, այլև ողջ Հայաստանի վրա, իսկ մեր երկրի ղեկավարներին հետաքրքրում են միայն սեփական շահերը: Նրանք վաղուց դարձել են Ամերիկայի կամակատարները, իսկ Ամերիկային հետաքրքրում է ոչ այնքան Հայաստանը, որքան Ռուսաստանին հարված հասցնելը: Արևմուտքը հետապնդում է աշխարհաքաղաքական սեփական շահը: Նրանց նպատակը ոչ թե հայ-ադրբեջանայան  հարաբերությունների կարգավորումն է, այլ խաղաղապահներին Արցախից և 102-րդ ռազմաբազան Գյումրիից դուրս բերելն է: Արևմուտքն օգտագործում է Հայաստանն ու Արցախը որպես մանրադրամ՝ այս տարածաշրջանում իր ազդեցությունն ամրապնդելու համար, իսկ Փաշինյանը հաճույքով խաղում է Ամերիկայի և Եվրամիության խաղը, ձևացնում է, թե խաղաղություն է բերում մեր երկրին, ավելին ասեմ՝ նրանք հենց դրա համար են իշխանության բերել Փաշինյանին, որ Արցախն ու Հայաստանը հանձնի թշնամուն: Այս ամենը կբերի ողբերգական արդյունքների մեր հայրենիքի համար: Հայաստանը, այս սցենարի իրականացման դեպքում, կդառնա մարտադաշտ մեր վաղեմի բարեկամ Իրանի դեմ հետագա հարձակումների համար»: 

Հետևելով այս ամենից՝ Արթուր Ասատրյանը դիմում է ՌԴ ղեկավարությանը՝ ՌԴ նախագահ Վլադիմիր Պուտինին, Արտգործնախարար Սերգեյ Լավրովին, խնդրում է գործադրել դիվանագիտական բոլոր լծակները:

«Համոզված եմ, որ Արցախի անվտանգության և մեր տարածաշրջանում կայունության գրավականը ռուս խաղաղապահների անժամկետ տեղակայումն է»,- ասաց Ասատրյանը: 

Նա դիմեց ամբողջ աշխարհի հայությանը. «Կոչ եմ անում ամբողջ աշխարհի հայերին՝ խնդրում եմ, այս անգամ վերաբերվեք իմ հայտարարությանը չափից ավելի լուրջ: Ինչը որ ասացի, ամեն խոսքիս տակ ստորագրում եմ, կանգնենք ոտքի մեկ անգամ վերջին մեր հաղթանակի համար: Սա մեր վերջին կռիվն է, խնդրում եմ՝ արձագանքեք»: