Բուհերի միավորումն իրականում նշանակում է բուհերի կազմալուծում. Բրյուսովի գիտխորհրդի հայտարարության նախնական տեքստը
Բրյուսովի անվան համալսարանի Գիտական խորհրդի ընդլայնված նիստին ռեկտոր Կարինե Հարությունյանը ներկայացրեց բուհերի խոշորացման նախագծի վերաբերյալ Գիտական խորհրդի հայտարարության նախնական տարբերակը։
Ըստ այդ հայտարարության, Բրյուսովի անվան համալսարանը Ֆիզիկական կուլտուրայի և սպորտի ինստիտուտի հետ Մանկավարժական համալսարանին միավորելու վերաբերյալ Կառավարության որոշման նախագիծը տրամաբանական հիմնավորում չունի և մերժելի է Բրյուսովի համար։
«Նախագծի հիմնավորման կառուցվածքը չի համապատասխանում կրթական համակարգում արմատական փոփոխություններ նախատեսող փաստաթղթին հարիր պահանջներին։ Հիմնավորումը կառուցված է միայն մի քանի, այդ թվում՝ դեռևս չընդունված իրավական ակտերի հղումների վրա, պարունակում է բազմաթիվ չհիմնավորված պնդումներ, նրանում բացակայում են մասնագիտական ուսումնասիրության արդյունքները։ Նման փաստաթղթի համար անտեղի են սահմանումների, բառարաններից մեջբերումները, այդ թվում՝ օտար լեզվով, դրանց մեկնաբանությունները և աղավաղումներով թարգմանությունը։ Նախագծի հիմնավորման մեջ նշվում է, որ արդյունավետ կառավարման ու զարգացման հեռանկար ունեցող բարձրագույն կրթական համակարգ ունենալու նպատակը հրատապ է դարձնում բուհերը խոշորացնելու խնդիրը, առանց որևէ փաստարկման, թե խոշորացումն ինչպես է հանգեցնելու արդյունավետ կառավարման և զարգացման։ Կրկին առանց հիմնավորման, թե ինչ կապ ունի մանկավարժական կրթության արդիականացումը խոշորացման հետ, արձանագրված է, որ որոշումը պայմանավորված է մանկավարժական կրթության արդիականացման պահանջից։ Հիշեցնենք, որ Վալերի Բրյուսովի անվան համալսարանի գործունեության մեջ մանկավարժական կրթության բաղադրիչը չի գերազանցում 15 տոկոսը։ Հիմնավորման մեջ արձանագրվում է, որ նախագծի ընդունման դեպքում ակնկալվում է կրթության արդյունավետության բարձրացում, բայց առանց որեւէ փաստարկման և վերլուծության դրան հասնելու մեխանիզմների մատնանշման»,– հայտարարության նախագծից մեջբերեց Կարինե Հարությունյանը՝ շարունակելով, որ նախագիծը պարունակում է պարզունակ մեխանիկական միավորման գործընթաց, ինչը իրականում նշանակում է բուհերի կազմալուծում ու կազմաքանդում։
Բրյուսովի անվան համալսարանի Գիտական խորհրդի հայտարարությունը բաց է առաջարկությունների համար։ Վերջնական տեքստը պատրաստ լինելուն պես այն կհրապարակվի։
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
