Ուկրաինայի քաղաքացիություն ստանալու համար անհրաժեշտ է քննություն հանձնել ուկրաիներենից և Ուկրաինայի պատմությունից․ Զախարովան մեկնաբանել է

Ուկրաինայի քաղաքացիություն ստանալու համար անհրաժեշտ է քննություններ հանձնել ուկրաիներեն լեզվից, Ուկրաինայի պատմությունից և Սահմանադրության հիմունքներից: Այս մասին Տելեգրամյան ալիքում գրել է ՌԴ ԱԳՆ ներկայացուցիչ Մարիա Զախարովան՝ հայտնելով, որ Ռադան ընդունել է համապատասխան օրինագիծը։

«Հիմա կասեն, որ ոչ թե իրենց մոտ ոչ ոք չի ուզում քաղաքացիություն ստանալ, այլ պարզաես չեն ձգում գիտելիքների տիրապետմանը՝ լեզվի և պատմության իմացությանը։ ։

Ի դեպ, այդ մասին. Լավ կլինի կարդալ հարցերը, հնարավոր է դա նրանց «Դուբինան» է դրանք կազմել»,-գրել է Զախարովան։

Նա հիշեցրել է, որ Ուկրաինայի մշակույթի և արվեստի նախարարության կողմից հրատարակվող «Ուկրաինական Մշակույթ» ամսագիրը տպագրել է պատմական գիտությունների թեկնածու Ալեքսանդր Դուբինայի «Եվ այսպես, ո՞վ հայտնաբերեց Ամերիկան» հոդվածը։

Ուկրաինացի պատմաբանը պնդում էր, որ քանի որ միջնադարյան Եվրոպայում ազգանունները տրվել են, որպես կանոն, ըստ անձի ծագման վայրի, Քրիստոֆեր Կոլումբոսը եղել է ... Կոլոմիայից (այժմ՝ Իվանո-Ֆրանկիվսկի մարզում):

Դուբինան առաջ քաշեց վարկած, որ ուկրաինացի Քրիստոֆերը հետաքրքրվել է նավարկությամբ, Սև ծովից հասել է Միջերկրական ծով, այնտեղից՝ Պորտուգալիա, որտեղ սկսել է արշավախումբ պատրաստել դեպի Նոր աշխարհ։

Հոդվածի հեղինակը նաև պնդել է, որ «Սանտա Մարիա» նավի նավապետը Խուան դե Կոզան է, ում անունը նշանակում է Իվան Կոզակ։