Զենք չեմ կրում, դրա համար էլ հարկ չեմ համարել արձագանքել նման թյուրիմացություններին․ իմքայլականի արձագանքը՝ Անի Խաչատրյանին

«Խնդրում եմ, նիստն սկսելուց առաջ անվտանգության աշխատողներին կանչել դահլիճ»։ Այս հայտարարությամբ, Երևանի ավագանու նիստն սկսելուց առաջ հանդես եկավ  «Լույս» խմբակցությունից Անի Խաչատրյանը՝ դիմելով նիստը վարող փոխքաղաքապետ Լևոն Հովհաննիսյանին։

Նա մտավախություն ուներ, որ ավագանու անդամներից մեկը զինված է։

«Չեմ խնդրում՝ պահանջում եմ, որովհետև այստեղ բոլորիս անվտանգության խնդիր կա, ստուգել՝ արդյոք այս պահին դահլիճում զինված մարդիկ չկա՞ն նստած: Սա պետական պահպանության վերահսկողության տակ գտնվող շենք է, ես պահանջում եմ բոլորիս անվտանգությունից ելնելով: Հակառակ դեպքում կզանգեմ ոստիկանություն»,-ասաց Անի Խաչատրյանը։

Երբ փոխքաղաքապետն անպատասխան թողեց Անի Խաչատրյանին և սկսեց նիստը, Խաչատրյանը չնահանջեց․ «Պարոն Հովհաննիսյան, ես հիմա ոստիկանություն զանգահարե՞մ, թե՞ ստուգենք մեր անվտանգությունը»:

Փոխքաղաքապետ Տիգրան Ավինյանը արձագանքեց. «Խնդիրը լուծված է, պետք չի նյարդայնանալ, ստուգված է, խնդիր չկա: Բոլորս գիտենք՝ ինչ հարց է, պարոն Անտոնյան, ձեզ է վերաբերվում, խնդրում եմ՝ ուղիղ անձագանքեք»:

«Իմ քայլը» խմբակցության անդամ Արման Անտոնյանն էլ արջագանքեց. «Բոլորն էլ գիտեն, որ ես զենք չեմ կրում, դրա համար հարկ չեմ համարել արձագանքել նման թյուրիմացություններին»:

Ավինյանը նկտեց, որ սա թյուրիմացություն չէ, հարց է բարձրացվել և խպետք է տրվի պատասխան. «Հստակ ասեք, որ զենք չունեք ձեզ մոտ: Այս դահլիճում բոլորը հասկանում են, որ զենքով չեն կարող մտնել»: