Էջմիածնում «06»-ը բախվել է բետոնե արգելապատնեշին, «06»-ը վերածվել է մետաղե ջարդոնի. կա վիրավոր

Խոշոր ավտովթար է տեղի ունեցել Արմավիրի մարզում։ Ժամը 19։20-ի սահմաններում Էջմիածին քաղաքի Մաշտոցի փողոցում ՎԱԶ 2106 մակնիշի ավտոմեքենան բախվել է բաժանարար գոտում տեղադրված բետոնե սյանը։

Ինչպես հայտնում է shamshyan.com-ը, վթարի հետևանքով 1 հոգի, ում առաջինը օգնության են հասել քաղաքացիներն ու օպերատիվորեն ժամանած Վաղարշապատի հիվանդանոցի բժիշկները և Արտակարգ իրավիճակների նախարարության Փրկարար ծառայության հրշեջ փրկարարները, մարմնական վնասվածքներով տեղափոխվել է «Վաղարշապատ» ԲԿ, որտեղից էլ տեղափոխել են Երևանի հիվանդանոցներից մեկը։

Հրշեջ-փրկարարները այնուհետև հոսանքազրկել են ավտոմեքենան, փակել գազաբալոնն ու սահմանազատել տարածքը։

Օպերատիվորեն ժամանել են Ճանապարհային ոստիկանության 2-րդ սպայական գումարտակի 1-ին վաշտի 1-ին դասակի ծառայողները՝ վաշտի հրամանատար Գրիգոր Պողոսյանի, դասակի հրամանատար Մառլեն Սարգսյանի գլխավորությամբ։

Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Միհրան Միրզոյանը տեղեկությունը փոխանցել է Հայաստանի քննչական կոմիտեի Արմավիրի մարզային քննչական վարչության Վաղարշապատի քննչական բաժին, որտեղից ժամանել է քննչական խումբը՝ բաժնի պետ Դավիթ Բարոյանի, բաժնի պետի տեղակալ Գևորգ Գաբրիելյանի, հատկապես կարևոր գործերով ավագ քննիչներ Վլադիմիր Ավետիսյանի և Գալուստ Երոյանի գլխավորությամբ։

Վթարի փաստով քննչական բաժնում նախաձեռնվել է վարույթ։ Ոստիկանությունն ու քննչական բաժինը պարզում են վարորդի և վիրավորի ինքնությունը։

Շամշյանի տեղեկություննեով՝ վիրավորը հենց վարորդն է եղել։

Օպերատիվորեն ժամանել են Վաղարշապատի քաղաքապետարանի բարեկարգում և կոմունալ բաժնի ծառայողները, ովքեր արդեն ձեռնարկում են անհրաժեշտ գործողություններ, որպեսզի հատուկ տեխնիկայի միջոցով կոտրված բետոնե արգելապատնեշը դարձի բերեն։