Աննա Հակոբյանը հեգնում է որդեկորույս մայրերին

Հայաստանի վարչապետի պաշտոնը զբաղեցնող Փաշինյան Նիկոլի կինը՝ Հակոբյան Աննան, մեղադրել է հայ մայրերին՝ պատերազմի, այդ պատերազմում կրած պարտության, զոհերի ու հանձնված հողերի համար։

Աննան հիշեցրել է, թե ինչպես էր դեռ 2 տարի առաջ, ծաղկեփնջով ու զինվորական համազգեստով կանգնել քարի գլխին կանգնած լուսանկարով, խաղաղության կոչ անում։

Նա իր պաշտոնական կայքում հրապարակված մեղադրական տեքստը վերնագրել է «Հայ կանանց մեռելային լռությունը»։ Չենք ներկայացնում Աննա Հակոբյանի հրապարակումն ամբողջությամբ, բայց 2  խոսքով նշենք, որ նրա այս տեքստի իմաստը մոտավորապես հետևյալն է՝ ասում էի, չէ՞, եկեք խաղաղության օրակարգ ձևավորենք՝ չեկաք, «մեռելային լռություն» դրսևորեցիք, հիմա դե գնացեք ձեր զոհերի վրա լացեք․․․

Կոպիտ է հնչում, բայց տիկնոջ ասածը դա է․․․

Անկեղծ լինելու համար, պետք է նկատել, որ դեռ այն ժամանակ արդեն կարծիք կար, որ Աննա Հակոբյանն այս քայլին դիմում է զուտ այն պատճառով, որ վաղը, երբ Փաշինյան ընտանիքին ու նրանց իշխանությանը մեղադրեն պատերազմ հրահրելու մեջ՝ հակադարձելու բան ունենան․․․ ցավո՛ք, կանխատեսումները ոչ միայն իրականություն դարձան, այլև սպասածից ավելին եղան․․․

Ու Հակոբյանի «սրտաճլիկ» տեքստի մեջ ոչ մի խոսք այն մասին, որ այդ ինքն ու իր ամուսինն էին առաջնորդվում «Արցախն Ադրբեջանին հանձնենք ու խաղաղ ապրենք» բանաձևով, ավելին՝ նրանք համոզում էին, որ դա է լավագույն տարբերակը․․․ այդ ինքն ու իր ամուսինն են իրենց խաղաղության դարաշրջանի դիմաց Ադրբեջանին Զանգեզուրի միջանցք խոստանում․․․

Մարդ առնվազն պետք է տգետ լինի, որ չհասկանա այն, ինչ տեղի է ունենում․․․ դեռ երեկ Նիկոլն ասում էր, թե Արցախը Հայաստան է և վերջ, ու առանց վարանելու այսօր տվեց իր համաձայնությունը՝ Արցախը թշնամուն տալու․․․

Հիմա նա ասում է, թե Զանգեզուրի միջանք չենք տալու ու չի բացառվում, որ շատ մոտ ապագայում այդ միջանցքը ևս կանցնի Ադրբեջանին։ Հաստկապես որ, խաղաղության ջատագով ամուսինների առաջ Թուրքիան նախապայման է դրել՝ սահմանները կբացեմ, բայց Ադրբեջանի հետ պետք է տարածքային վեճ չունենաք․․․ իսկ Ադրբեջանի ախորժակը ուտելիս է բացվում․․․

Այս ամենից բացի, այսօր Աննան որդեկուրույս մայրերին մեղադրում է, թե «մեռելային լռություն» ցուցաբերեցիք․․․

Հիմա հարց՝ դրա համա՞ր ամուսիններով խաղացիք նրանց երեխաների կյանքի հետ, դրա համա՞ր պատերազմ հրահրեցիք, դրա համա՞ր ձեր զրոյական կետով հանձնեցիք երկիրը, դրա համա՞ր Նիկոլն ԱԺ ամբիոնից անամոթաբար կանգնեց ու ասաց, թե այս ամենը կարող էր լինել առանց զոհերի․․․ 

Ու Աննան այսօր հեգնում է մայրերին:

Արմինե Մկրտումյան