Կյանքներս բաժանվել ա․․․ նոյեմբերի 9-ից առաջ ու հետո․ դիմացս միայն թշնամին է՝ ներքին ու արտաքին․ Արմենուհի Մելքոնյան

Լրագրող Արմենուհի Մելքոնյանը ֆեյսբուքյան իր էջում գրել է․

«Կյանքներս բաժանվել ա․․․ նոյեմբերի 9-ից առաջ ու հետո։

Առաջ ապրում էի, վայելում էրեխեքիս ու ամուսնուս սերը։ Չնայած արդեն թիթիզանալու տարիքում չէի, բայց մի փոքր կոկետությունը չէր խանգարում։ Ուր գնում էի, ուշադրության կենտրոնում էի։ Լիքը բարեկամներ ու հակառակորդներ ունեի։ Հակառակորդներիս հետ խաղում էի ու․․․ զվարճանում։ Բարեկամներիս ավելի էի սիրում։ Այս օրը «Հայաստանի Հանրապետություն» թերթի, որտեղ աշխատում եմ 1998թ․-ից, տոնն էի նշում, Երեւանի տոնն էի ապրում․․․

Նոյեմբերի 9-ից հետո զգացի, որ 9-ից առաջ էլ վախեր ունեի, բայց չէի բարձրաձայնում, կանխազգացումներ ունեի, բայց միայն մտերիմներիս շրջապատում էի խոսում։ 9-ից հետո սկսեցի գոյություն քարշ տալ։ Ու ամեն անգամ էդ քարշ տալը զգում եմ, երբ բացում եմ զգեստապահարանս ու շպարիս պարագաների պահարանիկս, ուր ամեն ինչ տեւական ժամանակ միլիմետր անգամ չի շարժվել։ Աչքիս ոչ հակառակորդներս են գալիս, ոչ բարեկամներս։

Դիմացս միայն թշնամին է՝ ներքին ու արտաքին։ Միայն թշնամին՝ հատ առ հատ ու ամբողջությամբ։ Դիմացս թշնամին է․․․»