Ադրբեջանցիների վայրագությունների ֆոնին տապալված բանակցությունն ու ԵՄ ներկայացուցչի «սառը ցնցուղը»...

Երեկ՝ հոկտեմբերի 2-ի ուշ երեկոյան Ժնևում կայացել է Հայաստանի ու Ադրբեջանի Արտաքին գործերի նախարարներ Արարատ Միրզոյանի և Ջեյհուն Բայրամովի բանակցությունները:

Առավոտյան ՀՀ ԱԳՆ-ն տարածեց ճոխ թվացող, բայց իրականում ոչինչ չասող հաղորդագրություն:

Խնդիրն այն է, որ հաղորդագրության մեջ ներկայացվում էին զուտ այն հարցերը, որոնց շուրջ խոսել են կողմերը, և որոնց շուրջ, ըստ էության, ակնկալվում էր, որ պետք է քննարկում լինի: Իսկ ինչ են խոսել կամ քննարկել՝ ոչ մի տող... (իհարկե, սա ևս ակնկալվում էր):

Հատկանշական է, որ ԱՄՆ-ի ու ԵՄ-ի միջնորդությամբ ընթացող բանակցային գործընթացից ստացված հաղորդագրությունը հույս ներշնչող էր... մինչև այն պահը, երբ համացանցում հայտնվեց ադրբեջանցիների կողմից վայրագությամբ սպանվող հայ ռազմագերիների կադրերը:

Բանակցային սեղանի շուրջ այս իրավիճակին անմիջապես արձագանքել են և դատապարտել: Մասնավորապես, ԵՄ հատուկ ներկայացուցիչ Տոյվո Կլաարը նշել է. 

«Եվս մեկ սարսափելի տեսանյութ. ըստ ամենայնի, հայ ռազմագերիներին մահապատժի են ենթարկում: Եթե ապացուցվի այս տեսանյութի իսկությունը, ապա սա ռազմական հանցագործություն է, որը պետք է հետաքննվի և մեղավորները պատժվեն»...

Եթե մինչ հանդիպումն ունեցած լավատեսությամբ մոտենանք այս իրավիճակին, ապա կարելի է կարծել, որ Ադրբեջանը անգամ կարող է «պատժվել»...

Բայց, լավատեսությունը «շաքարով կտրենք»...

Ավելի ուշ, ԵՄ ներկայացուցիչը հանդես է եկել նոր գրառմամբ և նշել, թե իբր իրեն ուղարկել են մի քանի տեսանյութ, որոնք, ըստ նրա, իբր ցույց են տալիս «ադրբեջանցիների դեմ կատարված ռազմական հանցագործությունները»։

«Նաև դրանք պետք է հետաքննվեն, և եթե իրական են, հանցագործները պետք է պատասխանատվության ենթարկվեն: Հակամարտությունը երկու կողմերին էլ խորը վերքեր է թողել, և բուժելու համար անհրաժեշտ է պատասխանատվություն»,- գրել է Կլաարը:

Այլ կերպ ասած՝ ԵՄ ներկայացուցիչը «սառը ջուր է լցրել լավատեսության գլխին» ...

Սա մի կողմից, մյուս կողմից էլ ծանոթանում ենք հանդիպման հետ կապված արտասահմանյան ԶԼՄ-ների արձագանքին ու ակնհայտ է դառնում, որ ադրբեջանական վայրագությունների կադրերը ո՛չ թե պատահական, այլ միտումնավոր «սլիվ» կարող են լինել՝ բանակցային գործընթացը տապալելու նպատակով:

Մասնավորապես Բայրամյանը, մատնանշելով սահմանի լարվածությունը «չդելիմիտացված սահմանի» վրա, առաջարկել է արագացնել սահմանազատման հարցի լուծումն ու հայ-ադրբեջանական սահմանի դելիմիտացիայի հարցով հանձնաժողովի նիստի ժամկետը փոխել՝ նոյեմբերի փոխերան կազմակերպել հոկտեմբերին:

Թերևս կարելի է այս համատեքստում դիտարկել նաև այն, որ, արտասահմանյան լրատվամիջոցների փոխանցմամբ, ադրբեջանական կողմը պահանջել է «Հայաստանի զինված ուժերի ամբողջական դուրսբերման անհրաժեշտությունն Ադրբեջանի տարածքից՝ համաձայն Ադրբեջանի, Հայաստանի և Ռուսաստանի ղեկավարների ստորագրած եռակողմ հայտարարությունների և ձեռք բերված պայմանավորվածությունների»... 

Մինչդեռ ՀՀ ԱԳՆ միայն ակնրակել էր, թե զորքի դուրս բերման հարց է քննարկվել, բայց կոնկրետ որ կողմի՝ չէր մանրամասնել... կամ ձեռնտու չէր մանրամասնե...

Արմինե Մկրտումյան