Ավտովթար՝ Կոտայքի մարզում․ բախվել են բեռնատար «ГАЗель»-ն ու «Mini Cooper»-ը․ կա վիրավոր

Այսօր՝ սեպտեմբերի 24-ին, ավտովթար է տեղի ունեցել Կոտայքի մարզում։ Ժամը 11։10-ի սահմաններում Աշտարակ-Երևան ավտոճանապարհի 5-րդ կմ հատվածում բախվել են Լոռու մարզի բնակիչ 45-ամյա Կարեն Ա․-ի վարած բեռնատար ГАЗель մակնիշի և Երևանի բնակիչ 29-ամյա Անի Ն․-ի վարած Mini Cooper մակնիշի ավտոմեքենաները։

Ինչպես հայտնում է Shamshyan.com-ը՝ վթարի հետևանքով վերջինիս ուղևոր՝ Երևանի բնակիչ 45-ամյա Եղիզաբեթ Կ․-ն մարմնական վնասվածքներով տեղափովել է «Արմենիա» բժշկական կենտրոն։ 

Դեպքի վայր են ժամանել Ճանապարհային ոստիկանության 2-րդ սպայական գումարտակի 3-րդ վաշտի 1-ին դասակի ծառայողները՝ վաշտի հրամանատար Արթուր Պետրոսյանի, նույն վաշտի 2-րդ դասակի հրամանատար Սարգիս Բագրատյանի և ավագ տեսուչ Աշոտ Մխիթարյանի գլխավորությամբ։ Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Արայիկ Վերդյանը տեղեկությունը փոխանցել է Հայաստանի քննչական կոմիտեի Կոտայքի մարզային քննչական վարչության Նաիրիի քննչական բաժին, որտեղից ժամանել է քննչական խումբը՝ օրվա պատասխանատու հերթապահ քննիչի գլխավորությամբ, ում կողմից նախաձեռնվել է վարույթ։