Հոլիվուդյան հայազգի կինոռեժիսորը նոր ֆիլմ է նկարահանում

Ամերիկաբնակ օսկարակիր  հայազգի նշանավոր սցենարիստ, կինոռեժիսոր և պրոդյուսեր Սթիվեն Զայիլյանը, Մարտին Սկոսեզեի և սցենարիստ Չարլզ Բրանդի հետ աշխատում են «Իռլանդացին» նոր կինոժապավենի վրա։ «Իռլանդացին» ֆիլմը նկարահանվում է Չարլզ Բրենդի «Ես լսել եմ, դուք տներ եք ներկում» գրքի հիման վրա, որը նվիրված է մաֆիայի վարձու մարդասպան՝ Ֆրենկ Շիրանին։

Ֆիլմում կխաղան այնպիսի դերասաններ ինչպիսիք են՝ Ռոբերտ դե Նիրոն, Ալ Պաչինոն, Ջո Պեշը և Բոբբի Կանավալեն։

Սթիվեն Զայիլյանը «Օսկարի» մրցանակակիր է։ Ամերիկյան կինոկադեմիայի կողմից 1994 թվականին տաղանդավոր սցենարիստը արժանացել է «Օսկար» մրցանակի՝ «Շինդլերի ցուցակը» ֆիլմի սցենարի համար։ Բացի այդ, նա առաջադրվել է «Օսկարի» «Արթնացումներ», «Նյու Յորքի ավազակախմբերը» և «Մարդը, որը փոխեց ամեն ինչ» կինոնկարների սցենարների համար։ «Թայմսը» նրան անվանել է «Հոլլիվուդի առավել հմուտ և խորաթափանց սցենարիստը Ռոբերտ Թաունի ժամանկներից ի վեր»։