ՀՀ նախագահ Վահագն Խաչատուրյանը լուսանկարվել է Եղիսաբեթ II-Ի դագաղի մոտ՝ խախտելով սահմանված կանոնները. տեսանյութ է հրապարակվել

Հայաստանի նախագահ Վահագն Խաչատրյանը լուսանկարվել է Լոնդոնի Վեստմինսթերյան պալատում Մեծ Բրիտանիայի թագուհի Եղիսաբեթ 2-րդի մարմնի մոտ՝ դագաղի կողքին, խախտելով միապետին հրապարակային հրաժեշտի սահմանված կանոնները։ Այս մասին գրում է runews24.ru-ն՝ անդրադառնալով բրիտանական The Sun պարբերականի հրապարակմանը։

Վերջինիս փոխանցմամբ՝ Հայաստանի առաջնորդ Վահագն Խաչատրյանը, ով կիրակի օրը՝ սեպտեմբերի 18-ի առավոտյան, եկել էր Վեստմինսթերյան պալատ, հեռախոսով լուսանկարվել է իր օգնականներից մեկի հեռախոսով։

Պարբերականը նշում է, որ այս միջադեպը Եղիսաբեթ II թագուհուն հրաժեշտի ժամանակ լուսանկարելու արգելքի առաջին խախտումն էր։

Միապետի մարմնով դագաղը ցուցադրված է Վեստմինսթերյան սրահում, որը համանուն պալատի ամենամեծ և ամենահին սրահն է։ Եղիսաբեթ II-ի դագաղի վրա թագավորական իշխանության խորհրդանիշներն են՝ Էդվարդ VII-ի գունդն ու գավազանը, ինչպես նաև Բրիտանական կայսրության թագը։

Թագուհու դագաղի մոտ շուրջօրյա հերթապահում են թիկնապահները, այդ թվում՝ թագավորական պահակները և աշտարակի թիկնապահները:

Մարդիկ, ովքեր գալիս են միապետին հրաժեշտ տալու, կարող են գտնվել բուն դագաղից մոտ 3-4 մետր հեռավորության վրա, որը ծածկված է թագավորական ստանդարտով։