Թուրքիան այս տարի միլիարդավոր դոլարների վնաս կկրի

Թուրքիային տարեկան 35 մլրդ եկամուտ բերող տուրիզմը հայտնվել է ծանր վիճակում: Տեղեկացնում է sondakika.com կայքը:
Թուրքիան միջին կտրվածքով տարեկ ունենում էր 35 մլրդ եկամուտ օտարերկրյա տուրիստների այցելություններից: Միայն 35 մլն տուրիստ 2015 թվականին է այցելել Թուրքիա: Դրանց մեջ 3.6 մլն եղել են Ռուսաստանի քաղաքացիներ, իսկ 5.5 մլն Գերմանիայի քաղաքացիներ:

Ռուսական Սու-24 ինքնաթիռի խոցումից հետո արգելվեց ռուս տուրիստների այցելությունը Թուրքիա: Իսկ օրեր առաջ Ստամբուլի Սուլթանահմեդ հրապարակի ահաբեկչական պայթյունից հետո գերմանական իշխանությունները Թուրքիայի բոլոր շրջանները տուրիզմի համար հայտարարեցին ռիսկային գոտիներ:

Թուրքիայի մշակույթի և տուրիզմի նախարար Մահիր Ունալը, խոսելով տուրիստական ոլորտում ծանր դրության մասին, հայտարարել է, որ իրենց հաշվարկներով 2016 թվականին պետք է Թուրքիա այցելեին 4.5 մլն ռուս տուրստներ, որոնք չեղյալ են հայտարարվել:

Թուրքիայում տուրզմի և հյուրանոցների ոլորտի պատասխանատուները հայտարարում են, որ հույսները չեն կորցնում:

Թուրքիա այցելող ամեն 4 տուրիստից 1-ը ռուս կամ գերմանացի է: Իսկ թե Ռուսաստանի արգելքներից և Գերմանիայի ռիսկային գոտի հայտարարելուց հետո մյուս պետություններից ինչքան տուրիստներ կպակասեն, դա արդեն ժամանակը ցույց կտա: