«Երևան սիթի»-ներից տոնական առևտուրն ու հետտոնական խոզի գրիպը խոզության արդյունք էր

Ամանորի տոներից հետո մարդիկ արթնացան իրենց ստամոքսային նիհրից ու հասկացան, որ խոզի գրիպ է մոլեգնում հանրապետությունում: Իսկ տոներից առաջ նույն տեմպով գրոհ էր կազմակերպվել օրինակ Սամվել Ալեքսանյանին պատկանող «Երևան սիթի»-ների ցանցի վրա: Առաջին հայացքից այս երկու հանգամանքները` խոզի գրիպն ու «սիթի»-ների վրա անխիղճ հարձակումը առաջին հայացքից իրար հետ կապ չունեն: Բայց հետաքրքիր զուգադիպությամբ, երբ մարդիկ մի քանի օր շարունակ իրենց ստամոքսները անխնա լցրին տարբեր երկրներից ներկրված, շատ դեպքերում անհայտ ու անանուն ծագմամբ սննդամթերքով, հանկարծ առողջապահության նախարարությունը հորդորեց`թուլանալ, զգուշանալ բայց խուճապի չմատնվել`խոզի գրիպից մահացության դեպքեր են գրանցվել:

Դեպքեր էլ եղել են, երբ օրինակ ահազանգ է հնչեցվել, թե այս կամ այն ներկրված ապրանքում մարդու առողջության համար վտանգավոր նյութեր կան, եղել են նաև դեպքեր, որ խմբաքանակը միանգամից հետ է ուղարկվել: Բայց անհերքելի է , որ ներկրված ապրանքների զգալի հատված լուրջ փորձաքննության երթարկվելուց հետո կհայտնվի պարզապես «Սովետաշենի» աղբանոցում: Բայց քանի դեռ չկա լուրջ փորձաքննություն, սահմանի վրա ներկրվող ապրանքների վրա հետևողական վերահսկողություն, չի բացառվում, որ տոնական առևտուրն ու հետտոնական խոզի գրիպը խոզության արդյունք էր. ներկրողները հարստանում են , սպառողներն էլ տառապում խոզի գրիպով: