ՀՀ կառավարության անպատասխանատու աշխատանքի հետևանքով այսօր արդեն հնարավոր չէ օգտագործել Կապան-Ճակատեն այլընտրանքային ճանապարհը. Թաթոյան (լուսանկարներ)
ՀՀ նախկին ՄԻՊ Արման Թաթոյանը ֆեյսբուքյան իր էջում լուսանկարներ է հրապարակել և գրել.
«ՀՀ կառավարության անպատասխանատու աշխատանքի ու ադրբեջանական հանցավոր արարքների հետևանքով այսօր արդեն հնարավոր չէ օգտագործել Սյունիքի մարզի Կապան-Ճակատեն այլընտրանքային ճանապարհը, քանի որ այն ՀՀ կառավարությունը ևս կառուցվել է այնպես, որ գտնվում է ադրբեջանական զինված ծառայողների նշանառության տակ։
Հենց այս գիշեր՝ սեպտեմբեր 13-ին ադրբեջանական զինված ծառայողները թիրախավորել են այդ ճանապարհը, այդ թվում՝ շտապ բժշկական օգնության մեքենա։
Այլընտրանքային ճանապարհը թիրախավորելով ու թույլ չտալով այն օգտագործել՝ ադրբեջանական զինված ծառայողները մտադրված հումանիտար ու մեկուսացման խնդիրներ են առաջացնում Սյունիքի քաղաքացիական բնակավայրերի, խաղաղ բնակիչների համար։
Սա այն ճանապարհն է, որը ՀՀ կառավարությունը սկսեց կառուցել Կապան-Ճակատեն հիմնական ճանապարհն ադրբեջանական զինված ծառայողների կողմից անօրինական արգելափակելուց հետո՝ ադրբեջանական զինծառայողներին հեռացնելու փոխարեն։
Ավելին, փոխվարչապետի, կառավարող խմբակցության պատգամավորների ու այլ պաշտոնյաների մակարդակով, հանուն սեփական քաղաքական ու անձնական շահերի, սկսվեց անպատասխանատու հայտարարությունների արշավ՝ հիմնավորելու համար, որ ադրբեջանական զինված ծառայողների տեղակայումը խնդիր չէ ու որ ճանապարհն անվտանգ է։
Այլընտրանքային ճանապարհը գովերգելու գործին միացել էր նաև Հանրային հեռուստաընկերության «Լուրեր»-ը՝ իր ռեպորտաժներով։
ՀՀ մարդու իրավունքների պաշտպանի կարգավիճակում մենք հավաքագրել էինք բոլոր խնդիրները, որոնք առաջանալու էին այլընտրանքային այդ ճանապարհը շահագործելուց հետո։
Փաստերով հիմնավորել էի, որ չի կարելի կառուցել ադրբեջանական թիրախի ներքո գտնվող ճանապարհ, որ իրականում խնդիրը պետք է լիներ ադրբեջանական հանցավոր զինված տեղակայումները հեռացնելը, այլ ոչ թե նրանց թիրախավորման տակ ճանապարհ կառուցելը՝ առանց մտածելու անվտանգության մասին։
Այդ ժամանակ դեռ Կապանի համայնքապետարանը Կառավարությանն իրավացիորեն առաջարկել էր, որպես միջանկյալ լուծում, կառուցել այլ տեղով անցնող ճանապարհ (անձամբ անցել բոլոր այդ տեղանքներով), որը բավական անվտանգ էր ու ռեսուրսների առանձնապես ներդրում էլ չէր պահանջում, բայց Կառավարությունը մերժել էր այդ առաջարկը՝ առանց որևէ պատճառաբանության։
Հրապարակում եմ ամիսներ առաջ արված լուսանկարներ, որտեղ երևում է ադրբեջանական զինված անօրինական տեղակայումները, Կապան-Ճակատեն հիմնական ճանապարհը և Կառավարության կողմից կառուցվող այլընտրանքային ճանապարհը։
Այս պահի դրությամբ հավաքված փաստերը նաև վկայում են, որ ադրբեջանական զինված ուժերը կրակում են Կապան համայնքի Ներքին հանդ, Շիկահող ու Սրաշեն գյուղերի ուղղությամբ»:
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
Ուկրաինան անօդաչուներով հարվածներ է հասցնում Սոչիին. կան վիրավորներ
Հայաստանի բնակիչը հացադուլ է հայտարարել՝ Մոսկվայից պահանջելով վերադարձնել իր 3 երեխաներին
