Ինչո՞ւ սեպտեմբերի 30-ը ոչ ոք չի հիշում․ վարչապետը չգիտի՞՝ ինչ օր է այդ օրը․ օդաչու (տեսանյութ)

Քչերը գիտեն, շատերը՝ ոչ, որ 2001 թվականին, այդ շրջանում գործող վարչապետ Անդրանիկ Մարգարյանի հրամանով, կառավարությունը որոշել է սեպտեմբերի 30-ը նշել որպես Քաղաքացիական ավիացիայի օր:

Մարգարյանի այս որոշման հիմքում ընկած էր այն հիմնավորումը, որ «Հայ ավիատորների հայրենանվեր աշխատանքը հատկապես ակնհայտ դարձավ աղետալի երկրաշարժից տուժածներին օպերատիվ, անգնահատելի օգնություն ցուցաբերելու, Ադրբեջանի տարածքում բնակվող տասնյակ հազարավոր հայ բնակչության տարահանման, խիստ շրջափակման տարիներին արտաքին աշխարհի հետ հուսալի կապ հաստատելու գործում»։

Ու թեև այն ժամանակ վարչապետ Մարգարյանը հավաստել է, թե կառավարությունը հետևողականորեն կշարունակի ապահովել քաղաքացիական ավիացիայի հետագա զարգացումն ու բարգավաճումը, սակայն նրա մահից հետո ավիացիայի մասին բոլորը մոռացան։

NEWSPRESS.am-ի հետ զրույցում, օդաչու Հայաստանի Քաղաքացիական ավիացիայի  թանգարանի հիմնադիր Ռազմիկ Գասպարյանը նշեց, որ անգամ այս պայմաններում, երբ կառավարությունն անգամ իրենց արդեն 18 տարի չի փոխհատուցել ու վճարել հասանելիք գումարները, իր վրդովմունքն ու վիրավորանքն այլ տեղ է ուղղված։

Նա նշեց, որ արդեն տևական ժամանակ, ոչ մի առիթով, ոչ մի ակնարկով օդաչուներին ու ավիացիայի օրը չեն հիշում։ 

Օդաչուները նկատում են, որ վարչապետն այդ օրը անգամ չոր շնորհավորական ուղերձ չի հղում իրենց։

Կոմպոզիտոր Ռոբերտ Ամիրխանյանը դեմ չի եղել ավիացիային երգ ձոնել, սակայն կառավարությունը պետք է դերակատարում ունենա, ինչը չի արվում։

Ռազմիկ Գասպարյանի հետ հարցազրույցի մանրամասները ներկայացնում ենք NEWSPRESS.am—ի տեսանյութում։