Երեք օրվա ընթացքում հիվանդների թիվն ավելացել է շուրջ 100-ով. (տեսանյութ)

Տոնական օրերին բուժհաստատություններ այցելել է ավելի քան 20.000 այցելու սուր վարակիչ հիվանդություններով: Այս մասին Կառավառության նիստում հայտնեց ՀՀ առողջապահության նախարար Արմեն Մուրադյանը:

Նա նշեց, որ բժիշկներին դիմած քաղաքացիներից 7000-ի մոտ եղել է սուր շնչառական խնդիրներ և այս պահին հիվանդանոցում հսկողության տակ է գտնվում 948 մարդ, որոնցից 420-ը թոքաբորբով հիվանդներ են:

Հիշեցնենք, որ երկու օր առաջ Առողջապահության նախարարությունում տեղի ունեցած մամուլի ասուլիսի ժամանակ առողջապահության փոխնախարար Վահան Պողոսյանը հայտարարեց, որ սուր շնչառական խնդիրներով հիվանդների թիվը 855 է: Ստացվում է, որ երեք օրվա ընթացքում հիվանդների թիվն ավելացել է մոտավորապես 100-ով:

420 հիվանդներից 213-ը երեխաներ են: Վերակենդանացման բաժանմունքում կան 38-ը թոքաբորբով հիվանդ հղիներ և 92 երեխաներ:

Նախարարի խոսքով` ընդհանուր հիվանդ երեխաների թիվը կազմում է 796: Ցավոք, արձանագրվել են H1N1 վիրուսի հետևանքով մահացության 11 դեպք: Առողջապահության նախարարը, վստահեցրել է, որ երեկվանից բոլոր պոլիկլինիկաներում և հիվանադանոցներում տրամադրվել է անվճար դեղորայք: Շաբաթ և կիրակի օրերին կաշխատեն բոլոր պոլիկլինիկաները: Հատուկ վերահսկողություն է սահմանվել մանկատներում, ծերանոցներում, հոգեբուժարաններում: Սահմանային անցակետերում ուժեղացվել է բուժծառայությունների աշխատանքը:

Մանրամասները` տեսանյութում