Վարդան Ղուկասյանը փողերի յուրացման մեջ իրեն մեղադրողներին սրբապիղծ է անվանում

«Բերեք և ինձ ցույց տվեք փաստաթղթեր, որոնք վկայում են Վարդան Ղուկասյանի կողմից փողերի յուրացման մասին և ես կտամ իմ պարզաբանումները»,- անդրադառնալով Գյումրիի նախկին քաղաքապետ Վարդան Ղուկասյանի կողմից Ամենափրկիչ եկեղեցու շինարարության համար հանգանակված գումարների մսխման մեղադրանքերին, այդ մասին newspress.am-ի հետ զրույցում ասաց Շիրակի թեմի առաջնորդ Միքայել եպիսկոպոս Աջապահյանը:

Նա հերքում է հանգանակած գումարների յուրացման մասին շրջանառվող լուրերը: Չկան փաստեր, չկա կարծիք:
Ինչ վերաբերում է եղեղեցու շինարարությանը, որն սկսել է 1995 թվականից և մինչ օրս ավարտին չի հասցվել, ապա սրբազանը չի դժգոհում.

«Եկեղեցին քանդված էր և հիմա սարքված է: Ես գոհ եմ աշխատանքերից»,- ասաց Աճապահյանը՝ հավելելով, որ շինարարության համար ծախսված գումարներից գաղափար չունի:

Ամենափրկիչ եկեղեցու երկարաձգված շինարարության և հատկացված գումարների յուրացման մեղադրանքներին անդրադառնալով` Վարդան Ղուկասյանը հիշեց Սուրբ գիրքը:

«Խնդացեք և ուրախացեք, քանի որ նմանատիպ սրբապիղծները երկնքում մեծ վարձք կունենան իրենց զուր մեղադրանքների շնորհիվ»,- ասաց նա՝ դիմելով հարցադրմամբ,- «Դուք հասկանո՞ւմ եք այս խոսքերի իմաստը: Լուրջ գումարներ են ներդրվել»,- ջղաձիգ տոնով ասաց Ղուկասյանն ու անջատեց հեռախոսը՝ հորդորելով այլևս իրեն չզանգել:

Հիշեցնենք, որ 1995 թվականից ընթանում են Գյումրու Սուրբ Ամենափրկիչ եկեղեցու վերակառուցման աշխատանքները, սակայն դեռ ավարտին չեն հասել, չնայած որ, քաղաքապետարանի տվյալների համաձայն, այս տարիների ընթացքում հատկացվել է ավելի քան 3 մլն դոլար:

Շինարարության հովանավոր է հանդիսանում Վերածնված «Ամենափրկիչ» բարեգործական հիմնադրամը: