ՀՖՖ-ն, Արմեն Մելիքբեկյանի թեթև ձեռքով, քանդում է եղածն ու ծիծաղելի վիճակի մեջ դնում հայկական ֆուտբոլը

Դեռ մի քանի ամիս առաջ Հայաստանի ֆուտբոլի ֆեդերացիան մեծ շուքով նշեց հիմնադրման 30-ամյակը։ Այսպես. 2019 թվականից ՀՖՖ նախագահ դարձած Արմեն Մելիքբեկյանը փորձեց ապահովել իր փիառը՝ իրեն վերագրելով ՀՖՖ 30-ամյա գործունեության ողջ ձեռքբերումները։ 

Համենայնդեպս, միջոցառումից այն տպավորությունն էր, որ ՀՖՖ-ն հիմնադիրներ ու ներդրողներ չի ունեցել, քանի որ այդ օրը ո՛չ հրավիրվել էին ֆեդերացիայի հետ առնչություն ունեցած ու ներդրումներ արած մարդկանց, ոչ էլ որևէ կերպ հիշատակվեցին նրանց անունները։

Արմեն Մելիքբեկյանը ոչ միայն իրեն է վերագրում ձեռքբերումները՝ ոչ մի կերպ չանդրադառնալով ՀՖՖ նախագահներ Սուրեն Աբրահամյանի ու Ռուբեն Հայրապետյանի ներդրումներին, այլև իր անտարբերության հետևանքով ավիրում ու բարոյալքում է արդեն կառուցածը։

Էլ չենք խոսում Հայաստանի հավաքականների խայտառակ արդյունքների մասին․․․

«Սևան» ՖԱ-ի կենտրոնը, օրինակ, որը կառուցվել է Հայրապետյանի կառավարման տարիներին (իր իսկ անձնական միջոցներով), իսկ ավելի կոնկրետ՝ 2017թ-ին, Արմեն Մելիքբեկյանի «ջանքերով» վերածվել է ավերակի:

NEWSPRESS.am-ին են տրամադրվել կադրեր, որտեղ երևում է, թե ինչպես է ավիրվել շենքը։

ՀՖՖ նախագահի անտարբերության պատճառով բարոյալքվում է ֆուտբոլն ու ընկնում է հայկական ֆուտբոլի վարկանիշը․․․․

Այլ կերպ ասած, ՀՖՖ-ն՝ Արմեն Մելիքբեկյանի թեթև ձեռքով, հայաստանցի ֆուտբոլիստներին քաջալերելու և նրանց Հայաստանի առաջնությունում խաղալու հնարավորություն տալու փոխարեն՝ քանդում է եղածը․․․

Ու այդքանից հետո էլ, չգիտես ինչու, Արմեն Մելիքբեկյանը զարմանում է, թե ինչու են իրեն անվստահություն հայտնում․․․

Իրականում այսօր ՀՖՖ-ում ստեղծված իրավիճակը խայտառակություն է։ Արմեն Մելիքբեկյանը ծիծաղելի իրավիճակի մեջ է դնում ամբողջ հայկական ֆուտբոլը և վնասում հայկական ֆուտբոլի իմիջին։