Ադրբեջանը պահանջում է մինչև օգոստոսի 5-ը հանձնել Բերձորն ու Աղավնոն. Նաիրա Զոհրաբյան

ԱԺ նախկին պատգամավոր Նաիրա Զոհրաբյանը ֆեյսբուքյան իր էջում գրել է.

«Լաչինի մատույցներում թեժ մարտեր են ընթացել: Օգոստոսի 3-ին, ժամը 09։00-ից սկսած, ադրբեջանական ստորաբաժանումները կոպիտ կերպով խախտել են հրադադարի ռեժիմը՝ ՊԲ դիրքերի ուղղությամբ կիրառելով նռնականետեր և ԱԹՍ-ներ, ինչի հետևանքով վիրավորում է ստացել 7 զինծառայող, որից 6-ի կյանքին վտանգ չի սպառնում, մյուս վիրավորի վիճակը գնահատվում է ծայրահեղ ծանր։

Առավոտից բավականին թեժ մարտեր են ընթացել Լաչինի միջանցքի մոտակայքում։
Թշնամին ընդուպ մոտեցել է Եղցահող գյուղին եւ այս պահին փորձում է դիրքավորվել գյուղի հարակից բարձունքում։

Արցախի շուրջ օղակը սեղմվում է։

Ադրբեջանը պահանջում է մինչև օգոստոսի 5-ը հանձնել Բերձորն ու Աղավնոն և Արցախը Հայաստանի հետ կապող երթևեկությունը Լաչինի միջանցքի փոխարեն կազմակերպել այլ երթուղով։

Իրավիճակը Բերձորում լարված է։ Փորձել են անգամ սպամոնտաժել Բերձորի շրջադարձի վրա գտնվող հուշարձանը, սակայն ռուս խաղաղապահները թույլ չեն տվել։ Բերձորցիներն ու Աղավնոյի բնակիչները, թվով մոտ 500 բնակիչ, հրաժարվում են լքել իրենց տները։ Այս փորձում են լուծել Աղավնոյի բնակիչների տարհանման հարցը։

Ինչ վերաբերվում է այլընտրանքային ճանապարհին, որը կառուցում է ադրբեջանական կողմը, ցավեշտը, կամ ողբերգությունն այն է, որ Հայաստանի հատվածում նման ճանապարհ պարզապես չկա։

Ու էսպես, ընդամենը օրերի ընթացքում, Բերձորն ու Աղավնոն հանձնվելու է թուրքին»: