Շարունակում ենք արձանագրել փայլուն տնտեսական ցուցանիշներ. ՔՊ-ական պատգամավոր

Շարունակում ենք արձանագրել փայլուն տնտեսական ցուցանիշներ, ֆեյսբուքյան իր էջում գրել է ԱԺ ֆինանսավարկային և բյուջետային հարցերի մշտական հանձնաժողովի նախագահ, ՔՊ-ական պատգամավոր Գևորգ Պապոյանը:

«2022 թ. առաջին կիսամյակում տնտեսական ակտիվության ցուցանիշը (ՏԱՑ) 11,8%-ով աճել է 2021-ի առաջին կիսամյակի համեմատ։

Աճին նպաստել են՝

Արտաքին առևտրաշրջանառություն՝ +44%

Ծառայություններ՝ +26,9%

Շինարարություն՝ +12,7%

Առևտուր՝ +10,7%

Արդյունաբերություն՝ +5,8%

Գյուղատնտեսությունը նվազել է՝ -5,5%։

2022 թ. հունիսին ՏԱՑ-ն աճել է 18,5%-ով՝ 2021թ. հունիսի նկատմամբ։

Իմիջիայլոց, հունիսին տնտեսական ակտիվությունն արագացել է բոլոր ուղղություններով, օրինակ՝ արտաքին առևտրաշրջանառությունը աճել է 71%-ով, իսկ արդյունաբերությունը՝ 19%-ով»,- գրել է պատգամավորը: