Որտեղի՞ց այդ «սերը» առ Հովիկ Աբրահամյան. (տեսանյութ)

Հայաստանի արտաքին պարտքը, ժողովրդի գրպանի հաշվին, օր օրի ակնհայտորեն ավելանում է, սակայն թե ուր են գնում այդ գումարները և ինչի համար պետք է վճարի ժողովուրդը` չի քննարկվում: Համենայդեպս պաշտոնական հայտարարություններում, իրական ծախսերի մասին ոչինիչ չի ասվում:

Ազգային անվտանգության ծառայության նախկին պաշտոնյա Գուրգեն Եղիազարյանն արտաքին պարտքի մասին խոսելիս` անընդհատ հին երգն է երգում` ինտեսիվորեն պայքարելով նախկին վարչապետ Տիգրան Սարգսյանի դեմ, մոռանալով, որ գործող վարչապետը Հովիկ Աբրահամյանն է:

Նրա հաշվարկով Հովիկ Աբրահամյանի արտաքին պարտքը երկու-երեք մլն դոլար է կազմում:

Եղիազարյանի հաշվարկները թերևս ճիշտ են, հաշվի առնելով այն, որ Հովիկ Աբրահամյանն իր պաշտոնավարման ընթացքում հասցրել է գրեթե մեկ ու կես միլիարդ ԱՄՆ դոլարի պարտք վերցնել: Այսինքն, եթե այս գումարը բաժանենք օրերի վրա, ապա ստացվում է ճիշտ Գուրգեն Եղիազարյանի ասած թիվը` երկուսուկես միլիոն դոլար, ոչ թե տարեկան` այլ օրական կտրվածքով:

Նախկին ԱԱԾ-ականը հորդորում է համբերատար գտնվել և ժամանակ տալ գործող Հովիկ Աբրահամյանին:

Իհարկե կարելի է ժամանակ տալ վարչապետին, սակայն երբ ծանոթանում ենք 2015 թվականի պետական բյուջեի նախագծով իրականացված ծախսերին, ապա դրանք վստահություն չեն ներշնչում:

Ավելին, Հայաստանի բյուջեն մսխվում է անօգուտ ծրագրերի ու գործուղումների վրա: Հովիկ Աբրահամյանի միայն գործուղումների համար նախորդ տարի ծախսվել է 84 միլիոն դրամ: Այն, որ այդ գործուղումները կարևոր են, ակնհայտ է, բայց հարց է առաջանում`ո՞ւմ` ժողովդի, թե Հովիկ Աբրահամյանի համար:

Նաև հարց է առաջանում, թե Գուրգեն Եղիազարյանի «սերը» առ Հովիկ Աբրահամյան, թե ինչ ակունքներ ունի: Նկատենք, որ ժամանակին նախկին ԱԱԾ-ական ընդդիմադիրը նույն սիրով լծված էր Հովիկ Աբրահամյանի խնամու` Գագիկ Ծառուկյանի նախկին կուսակցության` ԲՀԿ-ին անդամագրվելու հարցում:

Երբ ընդդիմությունն այսպիսին է լինում, իշխանությունն էլ այսպես է գործում: