Արդյո՞ք ՀՅԴ-ն ու ԲՀԿ-ն կոալիցիա կկազմեն

Ընտրական օրենսգրքի նախագիծը չնայած դեռ պատրաստ չէ, բայց քննարկումներ են մեկնարկել: Հայտնի է, որ ՀՅԴ-ն եւ ԲՀԿ-ն հանդիպումներ են ունեցել Սահմանադրական փոփոխությունների հանձնաժողովի անդամներ Վարդան Պողոսյանի եւ Հրայր Թովմասյանի հետ։ Խորհրադրանական այլ ուժերի հետ դեռևս հանդիպումներ չեն եղել: newspress.am-ի հետ զրույցում ՀԱԿ խմբկացության քարտուղար Արամ Մանուկյանն ասաց, որ իրենց հանդիպման չեն հրավիրել, իրենք էլ փոփոխության առաջարկներ չեն ներկայացրել: Արդյո՞ք ՀԱԿ-ը ընտրական օրենսգրքում փոփոխությունների վերաբերյալ առաջարկներ հետագայում կներկայացնի և կմասնակցի քննարկումներին, հարցին անդրադառնալով Մանուկյանն ասաց, որ վաղը ՀԱԿ-ում նիստ է լինելու, որոշում կկայացնեն, կհրապարկեն: ՕԵԿ-ականների մեզ գտնել չհաջողվեց. խմբակցությունն իր կազմով Դուբայում են` հարսանիք, քեֆ, ուրախություն…

Իսկ Ժառանգություն կուսակցությունից էլ հայտարել էին, թե չեն մտնելու քննարկումների մեջ, որովհետև ակնկալիքներ չունեն: Բայց ակնհայտ է նաև այն, որ եթե անգամ Ժառանգությունը հայտարարեր քննարկումներին մասնակցելու մասին, խորհրադարանում մեկ ժառանագական է մնացել և որպես խմբակցություն չկա: Թեև քննարկումներին չհրավիրված ուժերը ակնհայտ չեն ասում, բայց չեն բացառում, որ քննարկումները առաջինը սկսվել են ՀՅԴ-ի և ԲՀԿ-ի հետ կոալիցիայի հեռնակարը հաշվի առնելով:

newspress.am-ի հետ զրույցում Նաիրա Զոհրաբյանը նշեց, որ կոալիցայի հարց այս պահին ԲՀԿ –ի օրակարգում դրված չէ, այն, որ ընտրական օրենսգրքի փոփոխությունների վերաբերյալ քննարկումներին են մասնակցում, դեռ չի նշանակում, որ կոալիցիայի հարց է դրված: Իսկ ինչ վերաբերում է ընտրական օրենսգրքի փոփոխությունների շուրջ պայմանավորվածություններին Զոհրաբյանը ասաց, որ պայմանավորվածություններ չեն եղել. «Ի՞նչ պայմանավորվածություն կարող է լինել, երբ փաստաթուղթը չկա: Հանձնարարել ենք մեր փորձագետներին պատրաստել փոփոխությունների առաջարկներ, որոնք առաջիկայում խմբակցությունում կքննարկենք, երբ որ կմեկնարկեն Ընտրական օրենսգրքի վերաբերյալ քննարկումները»,-մանրամասնեց Զոհրաբյանը։

ՀՅԴ խմբակցության քարտուղար Աղվան Հովսեփյանն էլ առհասարակ հրաժարվեց խոսել, թե կոալիցայի հեռանակարի և թե ընտրական օրենսգրքում փոփոխությունների մասին` «հեռախոսով ոչինչ չեմ մեկնաբանում»:

Նշենք, որ քաղաքական կուլիսներում շրջանառվում է, որ կոալիցիա կազմելը առավել ձեռնտու է հենց Դաշնակցությանը. կուսակցությանը պաշտոններ են պետք 2017- ի խորհրդարանական ընտրություններին ձայներ հավաքելու համար: