ՀՅԴ Արևմտյան Եվրոպայի կենտրոնական կոմիտեն դատապարտել է Մուրադ Փափազյանի՝ Հայաստան մուտքի արգելքը

ՀՅԴ Արևմտյան Եվրոպայի կենտրոնական կոմիտեն դատապարտել է ՀՅԴ Բյուրոյի անդամ, ֆրանսահայ հազմակերպությունների խորհրդի համանախագահ Մուրադ Փափազյանի՝ Հայաստան մուտքի արգելումը:

Տարածված հայտարարության մեջ ասվում է.

«ՀՅԴ Արևմտյան Եվրոպայի կետրոնական կոմիտեն և իր անդամները՝ Ֆրանսիա, Հոլանդիա և Բելգիա, զարմանքով և միաժամանակ խոր ընդվզումով խստիվ դատապարտում են ՀՅԴ Բյուրոյի անդամ, Ֆրանսահայ կազմակերպությունների խորհրդի համանախագահ Մուրադ Փափազյանի Հայաստան մուտքի արգելումը:

Ազգային-կուսակցական պարտականություններով Հայրենիք մեկնած ընկերոջ Երևանի օդանավակայան ժամանման պահին առանց պաշտոնական որևէ բացատրության երկիր մուտքի արգելքը այլ բան չէ, քան Դաշնակցության նկատմամբ հստակ կեցվածք:

Մուրադ Փափազյանն անկախության առաջին օրից տարբեր առիթներով բազմաթիվ անգամներ այցելել է Հայրենիք, որոնց շարքին նաև ֆրանսական պետական բարձրագույն մակարդակի պատվիրակությունների մաս կազմելով և երբեք նման վերաբերմունքի չի ենթարկվել: Լևոնտերպետրոսյանական օրերի խունտայի վարքագիծը հիշեցնող այս կեցվածքը, սակայն, անպատասխան չպետք է մնա իրավական առումով:

Հայ մարդուն և ի մասնավորի դաշնակցական գործչի նկատմամբ նման ոճ միայն թշնամի Թուրքիան և Ադրբեջանը են կիրարկում, որին սովոր ենք ու ծանոթ, սակայն սեփական Հայրենիքի կողմից ստացված այսպիսի վատոգի հարված անընդունելի է ու անմարսելի՝ որևէ հայի համար անխտիր:

Այս բոլորին զուգահեռ, սույն երևույթը հարված է նաև ժողովրդավարության հասկացողության և ըմբռնումներին, որոնց անունով այնքան ճամարտակում են Հայաստանի այսպես կոչված չակերտյալ իշխանությունները: Ընդդիմադիր ուղղություն և հայացքներ ունենալ և ամենուր դրսևորելը խոսքի ազատության և ազատ շրջագայության մարդու տարրական իրավունք է, որ փաստորեն ոտնահարում են արար աշխարհին ժողովրդավարության կեղծ պիտակով ներկայացող փաշինյանական հորդաները: Քաղաքական այս «կաֆ»-ը անհետևանք չի մնա, և ոստիկանական բռնատիրություն հաստատած ապազգային վարչախումբը կվճարի գինը իր վրեժխնդրական փոքրոգի ու ճղճիմ արարքի»: