«911» ծառայության հեռախոսահամարով բժշկական խորհրդատվություն է տրվել 1345 քաղաքացու, իսկ հոգեբանական աջակցություն՝ 730 քաղաքացու. ՓԾ-ն ամփոփել է 2022թ.-ի առաջին կիսամյակը

Այսօր՝ հուլիսի 6-ին, Արտակարգ իրավիճակների նախարարության Փրկարար ծառայության ստորաբաժանումներն ամփոփել են 2022 թվականի առաջին կիսամյակի ընթացքում կատարած աշխատանքները: Ինչպես տեղեկացնուևմ են ԱԻ նախարարությունից, նիստը վարել է ԱԻ նախարար Արմեն Փամբուխչյանը:

Նախարար Փամբուխչյանը շնորհակալություն է հայտնել փրկարար ծառայողներին կատարված հսկայածավալ աշխատանքի համար և հույս հայտնել, որ 2022 թվականն ամփոփելիս կարձանագրվեն էլ ավելի բարձր ցուցանիշներ:

Ըստ զեկույցների, հաշվետու ժամանակահատվածում Ճգնաժամային կառավարման ազգային կենտրոնի կողմից սպասարկվել է 727.520 զանգ: Արտակարգ դեպքերի և պատահարների թիվը 5767 է, որի հետևանքով զոհվել է 830, տուժել՝ 81.626 մարդ:

«911» ծառայության հեռախոսահամարով բժշկական խորհրդատվություն է տրվել 1345 քաղաքացու, իսկ հոգեբանական աջակցություն՝ 730 քաղաքացու։

Հանրապետությունում էլէկտրաշչակների թիվն ավելացել է 53-ով, վերանորոգվել և վերատեղադրվել են անսարքները:

2022թ.-ի առաջին կիսամյակի ընթացքում Փրկարար ծառայության ստորաբաժանումների կողմից անցկացվել են 22 շտաբային, 7 ցուցադրական և 145 հատուկ տակտիկական ուսումնավարժություններ, «Ազդարարում, տարահանում, պատսպարում» թեմայով 124 գործնական պարապմունքներ և այլն:

← Վերադառնալ ցուցակին