Անունը կա, ամանում` չկա. Ավանի թաղապետարանում 17 տարեկանում խորհրդական աշխատած Աննա Վարդապետյանը երբևէ աշխատանքի չի հաճախել

Նիկոլ Փաշինյանի թելադրանքով, բացառապես «Քաղաքացիական պայմանագիր» խմբակցության կողմից դատախազ ընտրված Աննա Վարդապետյանի կենսագրության մութ անկյունները, պարզվում է, քննիչների հետ նամակագրական կապերով չեն ավարտվում:

36-ամյա տիկնոջ աշխատանքային կենսագրությունը սկսվում է 2003թ. սեպտեմբեր - 2005-ի մայիս ամսիներից. Վարդապետյանը նշել է, որ այդ ժամանակաշրջանում աշխատել է Ավան համայնքի ղեկավարի խորհրդական:

Սկսենք այնտեղից, թե 17 տարեկանում (տիկինը ծնվել է 1986թ.) այդ ինչ աշխարհացունց խորհուրդներ պետք է տար այնժամանակվա թաղապետ Հարություն Մարգարյանին: Սա մեկ: 

Եվ երկրորդ. Ավանի թաղապետարանում այդ ժամանակ աշխատող՝ NEWSPRESS.am-ի աղբյուրը հայտնեց, որ այդպիսի մարդ՝ այդ անուն-ազգանունով, իրենք երբևէ ոչ տեսել են, ոչ լսել: Վարդապետյանի՝ Ավանի թաղապետարանում «գոյության» մասին իրենք իմացել են, երբ ծանոթացել են նրա կենսագրությանն ու «հայտնաբերել», որ այդպիսի խորհրդական է «գոյություն» ունեցել: 

Ինչևէ, իր կենսագրությունն «անունը կա, ամանումը չկա» սկզբունքով սկսած տիկինը, Փաշինյան Նիկոլի թևի տակ մտած օգնական է աշխատում, իսկ Հայրապետյանների գործը ցույց տվեց, որ նա ոչ թե օգնական, այլ անձնական օգտագործման գործիք է՝ իրավական: 

Իսկ նիկոլական Հայաստանում իրավապահների գործունեության մեջ քիթը խոթողներին ոչ թե փորձում են հեռու պահել իրավունքից, այլ տանում են շատ ավելի բարձր պաշտոնների, որպեսզի հսկողություն սահմանի իրավունքի նկատմամբ: Վարդապետյանն, իհարկե, հսկողություն կսահմանի որպես դատախազ, եթե որպես Գործադիրի ղեկավարի օգնական հսկում-խմբագրում էր, ապա պատկերացնել կարելի է, թե որպես Գլխավոր դատախազ իրեն ինչեր թույլ կտա: 

Ցավոք, այս կինը, որը այլ պայմաններում կարող էր հեղինակավոր մասնագետ դառնալ, ընտրել է ինքն իրեն «փչացնելու»՝ բոլոր տեսակի իրավունքները ոտնակոխ արած և չպատժված Փաշինյան Նիկոլին փրկելու ճանապարհը: Այդ ճանապարհին նրան դեռ շատ քրեական գործեր կարել-կարկատել կտան, ինչպես անել տվեցին նախորդին ու երկարամյա դատախազ Դավթյանը մասնագիտական անփառունակ վախճան ունեցավ՝ միայն Նիկոլ Փաշինյանի կամակատարը դառնալ համաձայնելու պատճառով: