Արցախի ԱԱԾ-ն պետական դավաճանության 5 նոր դեպք է բացահայտել. Մեկին 200 դոլար են տվել, մյուսներին միայն խոստում են տվել (տեսանյութ)

Արցախի Հանրապետության ազգային անվտանգության ծառայության կողմից պետական դավաճանության 5 նոր դեպք է բացահայտվել։

ԱԱԾ-ն տեսանյութ է հրապարակել, որում ասվում է, որ գործակալական ցանցում ներգրավված են եղել Արցախի ՊԲ տարբեր ստորաբաժանումներում ծառայության մեջ գտնվող անձինք, ինչպես նաեւ կանխվել են ծուղակում հայտնված Արցախի մի քանի քաղաքացիների հետագա հավաքագրումը:

Դեպքի առթիվ Արցախի ԱԱԾ-ում հարուցված քրգործի շրջանակներում պարզվել է, որ Արցախի քաղաքացիները՝ հանդիսանալով N զորամասի ծառայողներ, սոցիալական ցանցերով կապ են հաստատել հայ անձի տվյալներով գրանցված օտարեկրյա հատուկ ծառայության աշխատակից կողմից օգտագործվող հաշվի հետ, որից հետո որոշ ժամանակ շփվելուց հետո վերջինիս առաջադրանքով նրան են տրամադրել պետական եւ եւ ծառայողական գաղտնիք կազմող, իրենց ստորաբաժանման պահպանության ներքո գտնվող մարտական դիրքերի տեղակայման վայրերի, մարտական հերթապահություն իրականացնող անձնակազմի թվաքանակի, մարտունակության, մարտական դիրքերում առկա զենքերի տեսակների եւ քանակի, զորամասի հրամանատարական կազմի վերաբերյալ տվյալներ: , որի դիմաց նրանցից մեկը բանկային փոխանցման միջոցով ստացել է 200 դոլար, իսկ մնացածը իրենց խպոստացված գումարները այդպես էլ չեն ստացել:

Պետական դավաճանության մեղադրանք է առաջադրվել ԱՀ քաղաքացիներ Ա.Ա.-ին, Մ.Հ.-ին եւ Ա.Բ.-ին: Նրանք կալանավորվել են:

Տեսանյութում մեղադրյալները մանրամասներ են հայտնում:

Առավել մանրամասն՝ տեսանյութում: