Բերձորը երեկ չի հանձնվել, Բերձորը հանձնվել է 2020թ նոյեմբերի 9-ին, իսկ այդ հանձնումը լեգիտիմացվել է խորհրդարանական ընտրություններով. Արթուր Ղազինյան

Բերձորը երեկ չի հանձնվել, Բերձորը հանձնվել է 2020թ նոյեմբերի 9-ին, իսկ այդ հանձնումը լեգիտիմացվել է 2021թ խորհրդարանական ընտրություններով: Բերձորը հանձնել են ԳՇ այն գեներալները, որոնք 2021թ փետրվարին պահանջում էին դավաճանի հրաժարականը, հետո դիմում վարչական դատարան: Այս մասին ֆեյսբուքյան իր էջում գրել է ԱԺ «Հայաստան» խմբակցության պատգամավոր Արթուր Ղազինյանը։

«Բերձորը հանձնել են ընտրություններին «ապագա կա ապագա» ընտրած 680.000» հպարտ քաղաքացիները, որոնք «ավելի լավա ալիևը գա, քան նախկինները» ասելով խայտառակեցին Հայ ազգին:

Բերձորը հանձնելուն մասնակցել են այն մեկ միլիոն ՀՀ քաղաքացիները, որոնք «մի հատ թազա մարդ լիներ» ասելով չմասնակցեցին ընտրություններին՝ տալով «680.000» հպարտ քաղաքացիներին իրենց փոխարեն տնօրինել մի ամբողջ ազգի ճակատագիր:

Բերձորը հանձնել են ՀՀ գլխավոր դատախազը, որ վախեցավ կատարել իր սահմանադրական պարտականությունը՝ ձերբակալել ադրբեջանական գործակալներին ու պետական դավաճանին:

Բերձորը, ինչ որ առումով, հանձնել եմ նաև ես, որ այս մեկ տարվա ընթացքում չեմ կարողացել հասնել այս դավաճանի հեռացմանն ու պատժին: Նիկոլի պարագայում ամեն ինչ պարզ է, նա ապացուցված ու հաստատված ադրբեջանական գործակալ է, պետական դավաճան, երեք «ագռավի սռոկ վզին դրած» ապրում է, ամեն ազատ օրը հրաշք է նրա համար»,-գրել է Ղազինյանը։

Բայց թե մենք ինչ ենք արել, որ Բերձորը չհանձնվի, դա արդեն լուրջ է ու սարսափելի . . .»,- գրել է Ղազինյանը։