Ապարանի արյունալի միջադեպի ականատեսը լուսանկարում ճանաչեց ՔՊ-ական պատգամավորի «Գրզո» մականունով եղբորը (տեսանյութ)

Ապարան քաղաքի կենտրոնական հրապարակում վաղ առավոտից հավաքվել և բողոքի ակցիա են իրականացնում հունիսի 19-ի արյունահեղության զոհ դարձած, ինչպես նաև ծանր վիրավոր տղաների հարազատները։

Սպանված երիտասարդների հարազատների բողոքի ակցիային միացած դեպքի ականատես, Ռաֆիկ անունով ապարանցի տաքսու վարորդը, ում ևս ծեծի էին ենթարկել փոխմարզպետին պատկանող գազալցակայանում,  լրագրողներին պատմեց, որ աշխատանքի մեջ է եղել, երբ նկատել է, որ մի քանի մետր այն կողմ կռիվ է, մոտեցել է, սակայն իրեն թվացել է, որ լուրջ բան չկա:

«Գոռգոռում էին միմյանց վրա։ Նրանց մեջ էր նաև պարեկային ծառայության պետը: Տեղափոխվում է այդ ամեն ինչը Ապարանից դուրս, նորից նույն ձևի բղավոցներ, կրակոց ա հնչում, ես ներկա էի, փորձում էի հանդարտեցնել»,-ասաց նա։

Արդեն այդ միջադեպի հաջորդ օրը, նրան կանչել են փոխմարզպետին պատկանող գալալցակայան՝ Արագածոտնի փոխմարզպետ Էդգար Փարվանյանի հորեղբոր տղաները, որտեղ և ինքը ծեծի է ենթարկվել։

«Տեսնում եմ իմ հարևաններին` Փարվանյան Ռոմանին և Վոլոդյային, նախորդ օրվա երեք հոգուն եմ տեսնում և ուրիշների, որոնց չեմ ճանաչում: Դրանից հետո ինձ խփում են, ես այդտեղից հետո հեռանում եմ: Այնտեղ լինում է մի տղամարդ ներկայանում է Գրզո անունով»,-ասաց նա:

Լրագրողը նրան ցույց տվեց ՔՊ-ական պատգամավոր Մաթևոս Ասատրյանի եղբոր լուսանկարը և ականատեսը հաստատեց, որ նշված «Գրզո» մականունով տղամարդը հենց լուսանկարի տղամարդն է:

Մանրամասները՝ տեսանյութում