Մեկ տարի է Ավետիսյանների սպանության գործում տխուր հանդիսատեսի կարգավիճակում ենք. Նորայր Նորիկյան (տեսանյութ)

«Հայկական կողմը մեկ տարի է Ավետիսյանների սպանության գործում տխուր հանդիսատեսի կարգավիճակում է»,- Անդրադարձ մամուլի ակումբում լրագրողների հետ հանդիպման ընթացքում նշեց փաստաբանների պալատի անդամ, փաստաբան Նորայր Նորիկյանը:

Ըստ նրա՝ ցավոք պետք է արձանագրենք, որ Ավետիսյանների սպանության քրեական գործի ոդիսականն ավելի շատ որոշվեց քաղաքական համաձայնությունների տիրույթում, ինչը նշանակում է, որ իրավաբանությունը կամ արդարադատության իրականացման բուն գործընթացը եթե չի կրել ձեւական բնույթ, գոնե առերևույթ ընթանում է բարձր մակարդակի պայմանավորվածությունների շրջանակում: Փաստաբանը նաև ֆուտբոլային լեզվով մեկնաբանություն տվեց. «այս գործի շրջանակներում մենք թույլ տվեցինք, որ ռուսական կողմը զրկի մեզ ինքնուրույն գործողություններից, նույնիսկ մի շարք ինքնագոլեր գրանցեցինք: Ինչ վերաբերում է գործով արտագնա դատական նիստ անցկացնելու որոշմանը, ապա այն ապօրինի է, քանի որ այդ իրավանորմը թույլ է տալիս արտագնա նիստ կազմակերպել բացառապես ՀՀ իրավասության ներքո գտնվող տարածքներում։ Դատական նիստը ռուսական ռազմաբազայի տարածքում իրականացնելը նման է ուրիշի պատերի ներսում հարսանիք անելուն»,- մանրամասնեց փաստաբանը:

Նա նաև անդրադարձավ այն այն հարցին, թե արդյոք Հրաչյա Հարությունյանը կարող է արտահանձնվել հայկական կողմին Պերմյակովի հետ փոխանակման արդյունքում: Հիշեցնենք, որ Արդարդատության նախարարը տարեվերջին ամփոփիչ ասուլիսի ընթացքում հայտարել էր, որ այս տարի Հրաչյա Հարությունյանին կարող են արտահանձնել հայկական կողմին:

Նորայր Նորիկյանի խոսքով՝ Պերմյակովի հետ փոխանակումը տրմաբանական չէ, տարբեր գործեր են: Բացի այդ Պերմյակովը մեր տիրապետության տակ չէ, որ փոխանակման մասին էլ խոսենք:

Մանրամասները՝ տեսանյութում